سیکورٹی فورسز سے فائرنگ کے تبادلہ میں تین دہشتگرد ہلاک. آئی ایس پی آر

سیکورٹی فورسز سے فائرنگ کے تبادلہ میں تین دہشتگرد ہلاک. آئی ایس پی آر

آئی ایس پی آر نے اپنے اعلامیہ میں بتایا ہے کہ سیکورٹی فورسز سے فائرنگ کے تبادلہ میں تین دہشتگرد ہلاک کردیئے گئے ہیں. جاری اعلامیہ میں بتایا گیا کہ ایک انٹیلی جنس بیسڈ آپریشن (IBO) شروع کیا گیا جس میں علاقے گشکور ہوشاب روڈ پر دیسی ساختہ بم نصب کرنے کے علاوہ سیکورٹی فورسز اور شہریوں پر فائرنگ کے واقعات سے منسلک دہشت گردوں کے ٹھکانے کو صاف کیا جا سکے۔

آئی ایس پی آر کا مزید بتانا تھا کہ علاقے کی مسلسل انٹیلی جنس نگرانی اور جاسوسی کے نتیجے میں، دہشت گردوں کے مقام کی نشاندہی کی گئی اور سیکورٹی فورسز کا ہیلی داخل کیا گیا۔ فرار ہونے والے راستوں کو کاٹنے کے لیے ناکہ بندیوں کا قیام جاری تھا تاہم اس دوران دہشت گردوں نے سیکیورٹی فورسز پر فائرنگ شروع کردی جس کے نتیجہ میں تین دہشتگرد جہم واصل ہوگئے.

جاری اعلامیہ میں یہ بھی بتایا گیا کہ اس کاروئی میں دیسی ساختہ دھماکہ خیز آلات سمیت اسلحہ اور گولہ بارود کا ذخیرہ بھی برآمد کیا گیا جبکہ مزید کہا گیا سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔

یاد رہے کہ اس سے قبل گزشتہ روز ملک دشمن قوتوں کے خلاف پاک فوج کی کارروایوں کے تحت بنوں میں سیکورٹی فورسز کے آپریشن میں تین دہشت گرد ہلاک ہوگئے تھے۔ جبکہ آئی ایس پی آر کے مطابق سکیورٹی فورسز نے ضلع بنوں کے علاقے میں آپریشن کیا۔ فائرنگ کے تبادلے میں 3 دہشتگرد مارے گئے تھے۔ یہ آپریشن دہشت گردوں کی موجودگی کی اطلاع پر کیا گیا تھا ۔فائرنگ کا شدید تبادلہ ہوا۔مارے گئے دہشتگردوں کے قبضہ سے اسلحہ و گولہ بارود بھی برآمد ہوا۔