اسلمای فتوحات پر مبنی ترک ڈرامہ سیریل ارطغرل غازی میں عبدالرحمٰن الپ کا کردار ادا کرنے والے ترک اداکار جلال نے اداکار فیروز خان کے آنے والے ڈرامے کی تعریف کی اور استنبول دورے کی دعوت دے دی-
باغی ٹی وی : نجی ٹی وی چینل کا ڈرامہ سیریل ‘خدا اور محبت’ کا سیزن 3 نشر ہونے سے قبل ہی مقبول ہو گیا اور ڈرامے کے ٹیزر کو چند ہی گھنٹوں میں 10 لاکھ سے زائد بار دیکھا گیا ہے۔
ڈرامے کے ٹیزر کی مقبولیت کے حوالے سے مرکزی کردار ادا کرنے والے اداکار فیروز خان کی جانب سے بھی انسٹاگرام پر ایک پوسٹ شیئر کی گئی-
فیروز خان نے اپنے تصدیق زدہ انسٹاگرام اکاؤنٹ پر تصویر شئیر کرتے ہوئے خوشی کااظہار کیا اور بتایا کہ ان کے ڈرامے ‘خدا اور محبت’ سیزن 3 کے دوسرے ٹیزر کو محض 21 گھنٹوں میں 1ملین سے زائد بار دیکھا جا چکا ہے-
اداکار فیروز خان کی اس پوسٹ پر ترک اداکار جلال نے بھی ردعمل دیتے ہوئے تعریف کی اور کہا کہ ماشاءاللہ بہت خوب-
ساتھ ہی ترک فنکار نے اردو میں لکھا کہ ماشاءاللہ میرے بھائی بہت خوب استنبول کب آ رہے ہو ہم آپ کے استنبول کے لئے انتظار میں ہیں-
ترک اداکار کے کمنٹ پر فیروز خان نے کہا کہ بھائی انشاءاللہ جلد ہی آؤں گا اور ساتھ ہی کہا کہ وہ جلدی سے اردو سیکھنا جاری رکھیں-
دوسری جانب اپنی انسٹاگرام پراداکار جلال نے فیروزخان کے ڈارمے کا پوسٹر جاری کیا کہا کہ وہ خان کے آنے والے ڈرامہ خدا اور محبت کے ٹیزر پرومو سے حیرت زدہ ہیں۔
انہوں نے کہانی میں فیروز خان کو اپنا "بھائی” قرار دیتے ہوئے ان کے کام کی ستائش کی۔ ٹیگ کے ساتھ ، ترک اداکار نے ترک اور پاکستانی پرچموں کے ساتھ دل والے ایموجی کا بھی اضافہ کیا-
اس سے قبل 12ویں صدی کے مسلمان اسکالر ، شاعر اور فلسفی ابن عربی کے سُنہرے الفاظ اپنے انسٹاگرام اکاؤنٹ پر شیئر کیے تھے کہ بہادری کے راستے میں تنہائی لازمی دوست ہے-فیروز خان کی پوسٹ کا شکریہ ادا کرنے کے لیے ’ارطغرل غازی‘ میں معروف صوفی بزرگ ’ابن عربی‘ کا کردار ادا کرنے والے تُرک نژاد امریکی اداکار عثمان سویقوت نے سوشل میڈیا پر اداکار کے لیے خصوصی پیغام جاری کیا تھا۔
عثمان سویقوت نے انسٹاگرام پر ابنِ عربی کو وہی قول شیئر کیا جو فیروز خان نے گزشتہ روز شیئر کیا تھا۔
اداکارنے فیروز خان کا شکریہ ادا کرتے ہوئے کیپشن میں لکھا تھا کہ میں نے سنا ہے کہ آپ نے اسلام کی خاطر شوبز چھوڑ دیا ہے مجھے یقین ہے کہ اعلیٰ مقصد کی خدمت کے لیے بہت سے مختلف طریقے ہیں۔
عثمان سیقوت نے کہا تھا کہ براہ کرم مجھے بتائیں کہ میں آپ کے لیے کیا کرسکتا ہوں اگر آپ چاہیں تو ہم مل کر کچھ پروجیکٹس پر کام بھی کرسکتے ہیں۔
ترک اداکار کی اس پوسٹ پر رد عمل دیتے ہوئے فیروز خان نے بھی عثمان سیقوت کا شکریہ ادا کیا اور کہا تھا کہ ہائے عثمان میں نے پھر ایک اعلی مقصد کے تحت شوبز کا رخ کیا ہے اورساتھ ہی فیروز خان نے بھی ترک اداکار کے ساتھ کام کرنے کی خواہش کا اظہار کیا تھا
ارطغرل غازی کے ابن عربی اداکار فیروزخان کے ساتھ کام کرنے کے خواہشمند
–
