پاکستان کےمعروف اداکار و پروڈیوسر فہد مصطفیٰ نے ہندو بچے کے علاج کیلئے 20 لاکھ روپے کی خطیر رقم دینے کا اعلان کیا ہے۔
باغی ٹی وی : فہد مصطفیٰ نے یہ اعلان وسیم بادامی اور اقرار الحسن کے پروگرام کے دوران بذریعہ فون کال کیا ہندو کمیونٹی سے تعلق رکھنے والے 3 سالہ بچے کا بون میرو ٹرانس پلانٹ ہونا ہے جس کے باعث اسے 40 لاکھ کی رقم درکار ہے۔
بچے کے والد جانوروں کے ڈاکٹر ہیں اور جانوروں کا مفت علاج کرتے ہیں لیکن اپنے بیٹے کی زندگی بچانے کے لیے ان کے پاس پیسے نہیں تھے۔
فہد مصطفیٰ سمیت دیگر افراد نے علاج کے لئے بچے کو پیسے دینے کا اعلان کرکے اس کے باپ کو بچے کی زندگی کی نوید سنائی۔
