+9251
معروف اداکار و پرڈیوسر فہد مصطفی نے واسع چوہدری کے ساتھ ایک انٹرویو میںکہا ہے کہ میں یوٹیوبرز اور وی لاگرز کو انٹرویو دیتے ہوئے ہچکچاتا ہوں اس کی وجہ یہ ہے کہ وہ لوگ ہمارے انٹرویوز سے چھوٹی چھوٹی باتوں کی ہیڈنگز نکال کر انہیں وائرل کر دیتے ہیں ، اور باتیں بھی ایسی ہوتی ہیں جن کو غلط انداز سے وائرل کیا جاتاہے. انہوں نے کہا کہ میں ویسے بھی انٹرویوز بہت کم دیتاہوں. ایک سوال کے جواب میں انہوں نے کہا کہ ماہرہ خان ، ہمایوں سعید و دیگر کے ساتھ کام کرنا آسان ہے ، نوجوانوں کے ساتھ کام کرنا مشکل ہے. نئے لوگ جیسے آکر ملتے ہیں میں اس چیز کا یہاں تذکرہ کررہا ہوں اگر میں کہہ رہا ہوں کہ نئے آنے والوں کے ساتھ کام کرنا مشکل ہے.
انہوں نے کہا کہ ”میں اپنی سالگرہ کے موقع پر صرف انہی لوگوں کے پیغامات کا جواب دیتا ہوں ”جو مجھے خود کال یا پرسنل میسج کرتے ہیں، ورنہ مجھے یہ بات بالکل پسند نہیں کہ لوگ انسٹاگرام پر ٹیگ کرکے سالگرہ کی مبارک باد دیں۔فہد مصطفی نے کہا کہ میرا واٹس ایپ نمبر بہت جلدی لیک ہوجاتا ہے، اس لیے انسٹاگرام سے زیادہ واٹس ایپ پر بہت زیادہ میسجز آتے ہیں، مجھ سے لوگ ایسے بات کرتے ہیں جیسے میں ان کے گھر کا آدمی ہوں.’
