فیصل قریشی اور فریال محمود کی فلم کا پہلا ٹیزر جاری

پاکستان شوبز انڈسٹری کے نامور اداکار و میزبان فیصل قریشی کی اداکارہ و ماڈل فریال محمود کے ساتھ فلم ’سوری‘ کا پہلا ٹیزر ریلیز کردیا گیا ہے۔

باغی ٹی وی : اداکار و میزبان فیصل قریشی فلم ’سوری‘ سے بڑے پردے پر واپسی کررہے ہیں جس میں ان کے ساتھ اداکارہ فریال محمود مرکزی کردار میں دکھائی دیں گی۔

اس سے قبل اداکار فیصل قریشی کے ساتھ مرکزی کردار میں سونیا حسین کو کاسٹ کیا گیا تھا تاہم مصروفیات کے سبب انہیں فلم چھوڑنا پڑی اور ان کی جگہ فریال محمود کو فلم کا حصہ بنایا گیا جب کہ سہیل جاوید کی ہدایت کاری میں بننے والی فلم کی دیگر کاسٹ میں آمنہ شیخ اور زاہد احمد شامل ہیں-

فلم ’سوری کے پہلے ٹیزر میں زیادہ کچھ نہیں دکھایا گیا تاہم کہانی محبت میں اتار چڑھاؤ کے گرد گھومتی ہے کہ کس طرح ایک انسان کو پہلے محبت ملتی ہے لیکن چند وجوہات کی وجہ سے وہ اسے کھو دیتا ہے فلم کی ریلیز کے حوالے سے اب تک کوئی حتمی تاریخ سامنے نہیں آئی۔

جواب چھوڑیں

آپ کا ای میل ایڈریس شائع نہیں کیا جائے گا.