فرد جرم عائد کرنے کے لئے عدالت نے صوبائی وزیر کو طلب کر لیا
احتساب عدالت لاہور میں چنیوٹ آئرن ریفرنس کی سماعت 17جولائی تک ملتوی کر دی گئی

عدالت نے آئندہ سماعت پر فرد جرم کی کارروائی کیلئے صوبائی وزیر سبطین خان کوطلب کر لیا ،عدالت نے شریک ملزم ارشد وحید کو اشتہاری قرار دینے کی کارروائی مکمل کرنے کا حکم دے رکھا ہے

واضح رہے کہ گزشتہ سال 14 جون کو نیب لاہور نے سبطین خان کو غیر قانونی ٹھیکوں کے الزام میں گرفتار کیا تھا۔ وہ میانوالی پی پی 88 چار سے تحریک انصاف کے ٹکٹ پر منتخب ہوئے تھے اور پھر وزیر جنگلات وجنگلی حیات بنے۔ ماہ ستمبر میں انہیں لاہور ہائیکورٹ نے رہا کیا تھا،لاہورہائی کورٹ نے 50لاکھ روپے کے 2مچلکوں کےعوض ضمانت منظورکی تھی .

چوہدری برادران کے دور میں اربوں کی کرپشن کرنیوالے صوبائی وزیر جنگلات گرفتار

مذہبی رہنماوں کا ردعمل

طالب علم نے چائے پلائی اور پھر….مفتی عزیرالرحمان کی زیادتی کیس میں وضاحتی ویڈیو

طالب علم سے زیادتی کرنیوالے مفتی کو مدرسہ سے فارغ کر دیا گیا

نیب نے سبطین خان کو گرفتار کیا تو انہوں نے وزارت سے استعفیٰ دے دیا. صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں صوبائی وزیر جنگلات سبطین خان تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا یا تھا.

قبل ازیں احتساب عدالت لاہور میں صاف پانی ضمنی ریفرنس کیس کی سماعت 17جولائی تک ملتوی کر دی گئی ،عدالت نے شہباز شریف کے داماد علی عمران اور بیٹی رابعہ کے اثاثوں کی تفصیلات آئندہ سماعت پر طلب کر لیں عدالت نے صاف پانی ضمنی ریفرنس میں علی عمران اوربیٹی رابعہ کو اشتہاری قرار دے رکھا ہے