اسلام آباد: سانحہ 9 مئی کے مقدمات میں بانی تحریک انصاف عمران خان اور شاہ محمود قریشی کے خلاف فرد جرم عائد کرنے کیلئے تاریخ مقرر کر دی گئی ہے-
باغی ٹی وی : انسداد دہشت گردی عدالت کے جج ملک اعجاز آصف نے اڈیالہ جیل میں بانی پی ٹی آئی اور شاہ محمود قریشی کے خلاف 9 مئی سے متعلق کیسز کی اڈیالہ جیل میں سماعت کی، دوران سماعت عدالت نےبانی پی ٹی آئی اور شاہ محمود قریشی کو مقدمات کی نقول فراہم کر تے ہوئے فرد جرم عائد کرنے کیلئے 6 فروری کی تاریخ مقرر کر دی، عدالت نے کیس کی مزید سماعت 6 فروری تک ملتوی کر دی۔
واضح رہے کہ 9 مئی سے متعلق بانی پی ٹی آئی کے خلاف 12 اور شاہ محمود قریشی کے خلاف 6 مقدمات درج ہیں اور دونوں نے ان مقدمات کے سلسلے میں درخواستِ ضمانت دائر کر رکھی ہے۔
