فیروز خان امریکی گلوکارہ ریحانہ پر برہم

پاکستان شوبز انڈسٹری کے معروف اداکار فیروز خان نے امریکی گلوکارہ ریحانہ کے برانڈ کی نمائش کے دوران مسلمانوں کے احساسات مجروح کرنے پربرہمی کا اظہار کرتے ہوئے ریحانہ کو کچرا کہہ دیا-

باغی ٹی وی : امریکی گلوکارہ ریحانہ کے برانڈ کی نمائش کے فیشن شو کے دوران گلوکارہ کوکو کلوئی کا گانا ’ڈوم‘ چلایا گیا جس میں آخرت کے دن کے حوالے سے ایک حدیث شامل ہے انٹرنیٹ پر ریحانہ کو یہ مخصوص گانا چلائے جانے پر تنقید کا نشانہ بنایا جارہا تھا جن میں اداکار فیروز خان بھی شامل ہیں-

سماجی رابطے کی ویب سائٹ ٹوئٹر پر اپنے ایک ٹوئٹ میں برہمی کا اظہار کرتے ہوئے فیروز خان نے ریحانہ کو ‘کچرا‘ کہا تاہم اداکارہ کی جانب سے معافی مانگے جانے کے بعد انہوں نے اپنا ٹوئٹ بھی ڈیلیٹ کردیا اور اپنے اس تبصرے پر فیروز خان نے معافی بھی مانگ لی۔

دوسری جانب ریحانہ نے اپنی انسٹاگرام اسٹوری کے ذریعے معافی مانگتے ہوئے گانا چلائے جانے مسلمانوں کے احساسات مجروح کرنے کو ایک غیر ذمہ دارانہ حرکت قرار دیا۔

ریحانہ نے اپنے وضاحتی پیغام میں لکھا کہ فیشن شو کے دوران اس گانے کا استعمال ایک غیرذمہ دارانہ حرکت تھی اور یہ ایک غیر ارادی لیکن لاپرواہی کے نتیجے میں کی گئی غلطی تھی۔

گانا ’ڈوم‘گلوکارہ کوکو کلوئی کا ہے انہوں نے بھی اس حوالے سے سماجی رابطے کی ویب سائٹ ٹوئٹر پر اپنے ٹوئٹ میں معذرت کرتے ہوئے کہا ہے کہ یہ گانا بیلی فنک ٹریک کے نمونے استعمال کرکے تخلیق کیا گیا تھا جو مجھے آن لائن ملا ہے اور انہیں اس بات کا علم نہیں تھا کہ اس گانے میں اسلام سے متعلق حساس بول ہیں۔
https://twitter.com/coucou_chloe/status/1313137444573806596?s=20
گلوکارہ نے اپنے پیغام میں یہ بھی کہا کہ میں اس حقیقت کی پوری ذمہ داری لیتی ہوں کہ میں نے ان الفاظ کی صحیح طور پر تحقیق نہیں کی اور آپ میں سے ان تمام لوگوں کا شکریہ ادا کرنا چاہتی ہوں جنہوں نے مجھ سے اس کی وضاحت کرنے کا موقع دیا-
https://twitter.com/coucou_chloe/status/1313137644226908162?s=20
انہوں نے اپنے ٹوئٹ میں یقین دہانی کرائی کہ وہ اس گانے کو تمام میوزک اسٹریمنگ پلیٹ فارمز سے جلد از جلد ہٹوانے کے لیے کوشاں ہیں۔

پاکستان میں چڑیلز بین کئے جانے پر ہدایتکار عاصم عباسی اور شائقین برہم

چڑیلز کو پاکستان میں بین کر دیا گیا