فیروزوالہ پولیس کی دبنگ کاروائی، منشیات برآمد

شیخوپورہ (نمائندہ باغی ٹی وی) ڈی پی او شیخوپورہ احسن سیف اللہ کی ہدایت پر ضلع بھر میں منشیات فروشوں کے خلاف کر یک ڈاون کرتے ہوۓ تھانہ فیروز والہ پولیس نے سپشل ٹاسک پر 02 منشیات اسمگلر کو گاڑی سمیت گرفتار کر لیا۔
تفصیلات کے مطابق ڈی ایس پی فیروزوالہ عمران عباس کی زیر نگرانی ایس ایچ او تھانہ فیروزوالہ شاہد رفیق اور اسکی ٹیم نے سپشل ناکہ بندی کر کے منشیات سے بھری کار پکڑ لی۔ جس میں منشیات اسمگلر عرفان اور اسکی بیوی عاصمہ منشیات لاہور سے نارنگ کے علاقہ میں اسمگل کرنے کی کوشش کر رہے تھے۔ لیکن تھانہ فیروزوالہ پولیس نے بڑی حکمت عملی کےساتھ فیملی کا روپ دھار کر منشیات اسمگل کر نے والے دونوں میاں بیوی کو گاڑی میں 65 کلو چرس سمیت گرفتار کر لیا۔ ڈی پی او احسن سیف اللہ نے اچھی کارکردگی پر تھانہ فیروزوالہ ٹیم کو شاباش اور سرٹیفکیٹ کے ساتھ نقد انعام دینے کا اعلان کیا۔