کورونا وائرس کے 80 فیصد مریض پیناڈول سے ٹھیک ہو سکتے ہیں، ڈاکٹر یاسمین راشد

80 فیصد مریض پیناڈول سے ٹھیک ہو سکتے ہیں، ڈاکٹر یاسمین راشد

باغی ٹی وی :صوبائی وزیر صحت ڈاکٹر یاسمین راشد نے بتایا ہے کہ کرونا کے 80 فیصد مریض پیناڈول سے ٹھیک ہو سکتے ہیں۔پنجاب میں کرونا وائرس میں مبتلا مریضوں کی تعداد 78 ہو چکی ہے۔

لاہور میں پریس کانفرنس کرتے ہوئے ان کا کہنا تھا کہ پنجاب میں 384 ٹیسٹ کیے گئے ہیں جن میں سے جو کیس مثبت آئے ان کی تعداد 78 ہے۔ کرونا وائرس کی تشخیص والے افراد کو الگ کر دیا گیا ہے۔ انہوں نے کہا کہ 80 فیصد لوگ پیناڈول کیساتھ ہی ریکور کر لیں گے۔

انہوں نے بتایا کہ اس وقت لاہور کے میو ہسپتال میں کرونا وائرس میں مبتلا 4 مریضوں کا علاج جاری ہے اور وہ ریکور کر رہے ہیں۔ اس کے علاوہ گجرات میں بھی دو مریض سامنے آئے ہیں۔ ڈیرہ غازی خان میں سب کے ٹیسٹ ہو رہے ہیں۔ جیسے جیسے نمبر آئیں گے ہم بتاتے رہیں گے۔ زائرین کا اگلا گروپ آ رہا ہے، ان کو ملتان میں رکھا جائے گا۔

ڈاکٹر یاسمین راشد کا کہنا تھا کہ رات دس بجے کے بعد سب کچھ بند ہو جائے گا۔ ہم نے مدارس، کالج اور تعلیمی ادارے بند کر دیے ہیں۔ کرونا وائرس کے خطرات کے پیش نظر حکومت پنجاب نے بہت پہلے کام کرنا شروع کر دیا تھا۔

ان کا کہنا تھا کہ ایران والوں نے کہا ہے کہ پاکستانی زائرین کو سنبھالنا مشکل ہو رہا ہے۔ اگلے دو سے تین ہفتے کے اندر 5 ہزار کے قریب زائرین اور طالبعلم وطن واپس آئیں گے

جواب چھوڑیں

آپ کا ای میل ایڈریس شائع نہیں کیا جائے گا.