بشریٰ بی بی کی ایف آئی اے میں طلبی کا نوٹس معطل

اسلام آباد ہائیکورٹ نے مبینہ آڈیولیک کیس میں چیئرمین پی ٹی آئی کی اہلیہ بشریٰ بی بی کی ایف آئی اے میں طلبی کا نوٹس معطل کردیا۔

باغی ٹی وی : جسٹس بابرستارنے بشریٰ بی بی کی جانب سے دائر کردہ درخواست پر سماعت کی بشریٰ بی بی کی جانب سے لطیف کھوسہ ایڈووکیٹ عدالت میں پیش ہوئے،دوران سماعت لطیف کھوسہ نے نوٹس معطل کرنے کی استدعا کرتے ہوئے موقف اپنایا کہ مرکزی کیس اسی عدالت میں پہلے سےزیرسماعت ہےجس کی سماعت 30 اکتوبرکیلئےمقررہے، کیس زیرالتواء ہونے کےباوجود ایف آئی اے نے 19 ستمبر کو طلبی نوٹس جاری کردیا ایف آئی اے وائس میچنگ کرنا چاہتی ہے۔

جسٹس بابر ستار نے استفسار کیا کہ ایف آئی اے کس چیز کے ساتھ وائس میچنگ کرانا چاہتی ہے؟لطیف کھوسہ نے بتایاکہ نوٹس میں ایف آئی اے نے وائس میچنگ کرنے کا کہا ہے عدالت نے ایف آئی اے طلبی کانوٹس معطل کرتے ہوئے آئندہ ہفتے فریقین کودلائل کلیئے طلب کرلیا ۔

بھارتی حکومت کے ایجنٹس کے قتل میں ملوث ہونے کے ٹھوس شواہد موجود ہیں،کینیڈین وزیراعظم

واضح رہے کہ قبل ازیں آڈیو لیکس کے خلاف کیس میں اسلام آباد ہائی کورٹ نے وزارت داخلہ اور پی ٹی اے کے تحریری جواب غیر تسلی بخش قرار دیتے ہوئے دوبارہ تفصیلی جواب جمع کرانے کا حکم دیا تھا۔

نگران وزیرخارجہ کی امریکا، روس اوریورپی یونین کےرہنماؤں سےالگ الگ ملاقاتیں