اسلام آباد: ایف آئی اے نے منی لانڈرنگ کیس میں شہباز شریف سمیت 5 ملزمان کے خلاف توہین عدالت کی درخواست دائر کردی-
باغی ٹی وی : تفصیلات کے مطابق منی لانڈرنگ کیس میں ایف آئی اے نے شہباز شریف سمیت 5 ملزمان کے خلاف توہین عدالت کی درخواست دائر کردی جس میں کہا گیا ہے کہ شہباز شریف نے غیر ضروری تقریر کرکے عدالت کا وقت ضائع کیا درخواست میں شہباز شریف، کاشف مجید، اظہر عباس، محمد اسلم اور محمد عثمان کو فریق بنایا گیا ہے۔
حکومت نے اقدامات درست نہ کیے تو ہمارے پاس آپشن کھلے ہیں،خالد مقبول صدیقی
ایف آئی اے نے درخواست میں موقف اختیار کیا ہے کہ شہباز شریف نے گزشتہ سماعت پر 45 منٹ عدالت میں غیر ضروری تقریر کی، شہباز شریف نے کیس کے حقائق کے برعکس گفتگو کی جس سے عدالتی کارروائی متاثر ہوئی، ملزمان پر فرد جرم کی کارروائی کا آغاز ہوا تو ملزمان کی جانب سے فضول سی درخواست دے دی گئی۔
ایف آئی اے نے موقف اپنایا ہے کہ ملزمان کی جانب سے جان بوجھ کر عدالتی کارروائی میں خلل ڈالا گیا حالاںکہ گواہوں اور بینک حکام کے بیانات کی کاپیاں ملزموں کو فراہم کی جاچکی ہیں، شہباز شریف اور دیگر جان بوجھ کر عدالتی کارروائی میں رکاوٹ ڈالنے پر توہین عدالت کی کاروائی کی جائے۔
واضح رپے کہ آج شہباز شریف حمزہ شہباز سمیت دیگر کے خلاف ایف آئی اے منی لانڈرنگ کے مقدمے کی سماعت ہوئی شہباز شریف نے عدالت پیش ہو کر حاضری لگوائی ،وکیل حمزہ شہباز نے کہا کہ حمزہ شہباز راستے میں ہیں کچھ دیر میں پہنچ جائیں گے ،مقدمے میں نامزد دیگر ملزمان نے بھی اپنی حاضری مکمل کرائی ،حمزہ شہباز بھی عدالت پہنچے اور حاضری لگوائی حمزہ شہباز کی جانب سے سینٹر اعظم نزیر تارڑ نے وکالت نامہ جمع کرادیا اعظم نزیر تارڑ نے دلائل دیتے ہوئے کہا کہ شہباز شریف کے خلاف آشیانہ صاف پانی اور منی لانڈرنگ کے کیسز بنائے گئے ۔
شہباز شریف پر فرم جرم کی کاروائی ایک بار پھر مؤخر
ایف آئی اے پراسکیوٹر نے عدالت کو بتایا کہ ملزمان کو صاف کاپیاں فراہم کر دی ہیں، ملزمان بلاوجہ کیس التوا کا شکار کر رہے ہیں، قانون میں لکھا ہوا ہے کہ جب کاپیاں فراہم کر دی جائیں تو ملزمان پر فرد جرم عائد کی جائے۔عدالت نے کہا کہ پہلے فرد جرم عائد ہو گی پھر روزانہ کی بنیاد پر کاروائی کی درخواست کو دیکھیں گے ،اعظم نذیر تارڑ نے کہا کہ ملزمان کی عبوری ضمانت کو کنفرم کر دیا جائے تحقیقات مکمل ہو کے چالان جمع ہو چکا ہے شہباز شریف کے شریک ملزم نے دائرہ اختیار سے متعلق درخواست دی ہے پہلے اس پر فیصلہ ہو پھر ہی ضمانت کا فیصلہ ہو گا۔ آج شہباز شریف کے وکیل امجد پرویز نہیں آئے بیمار ہیں کچھ وقت دے دیا جائے ۔ ایف آئی اے کو کیس میں جلدی کی صرف ایک ہی وجہ ہے وہ لانگ مارچ ہے ۔ اللہ کی مہربانی سے ملزمان کے نام بھی ای سی ایل میں ڈالے ہوئے ہیں ،جج سپیشل سینٹرل کورٹ نے کہا کہ ملزمان لمبے عرصے سے عبوری ضمانت پر ہیں ضمانتوں پر فیصلہ ہونا چاہیے ۔
بیکنگ کورٹ نے شوگر ملز کے ذریعے منی لانڈرنگ کے کیس میں شہباز شریف اور حمزہ شہباز پر فرد جرم 10 مارچ تک موخر کر دی، عدالت نے لیگی رہنماوں کی عبوری ضمانت میں 10 مارچ تک توسیع کر دی-
