فلم ‘ابھی’ میں کبرٰی خان گوہر ممتاز کے ساتھ نظر آئیں گی

0
25

پاکستان شوبز انڈسٹری کی معروف اداکارہ کبریٰ خان باصلاحیت گلوکار و اداکار گوہر ممتاز کے ساتھ فلم ‘ابھی’ میں نظر آئیں گی۔

باغی ٹی وی :اداکارہ کبرٰی خان اور گوہر ممتاز فلم ‘ابھی’ میں ایک ساتھ نظر آئیں گے دونوں اداکاروں نے اپنے انسٹاگرام اکاؤنٹس پر فلم کے سیٹ پر لی گئی تصاویر شئیر کیں-

‘ابھی’ نامی رومانوی تھرلر فلم کی شوٹنگ کشمیر کے خوبصورت مقامات پر جاری ہے اور اس کی کہانی قوم پرستی کے گرد گھومتی ہے۔

فلم ‘ابھی’ کی ہدایات اسد ملک دے رہے ہیں اور یہ فلم برطانیہ کی ایک بین الاقوامی ڈینئل جونز پروڈکشن کے بینر تلے بنائی جارہی ہے جو پاکستان میں اپنے پہلے وینچر کے لیے تیار ہے فلم کی کہانی گوہر ممتاز نے شعیب ربانی کے ساتھ خود لکھی ہے۔

فلم کی کاسٹ میں اداکار سلیم شیخ، عثمان پیرزادہ، محمود اسلم، احتشام الدین، یاسرہ رضوی، حنا بیات اور آصف رضا میر شامل ہیں۔

‘ابھی’ فلم کے ٹائٹل ٹریک میں عالمی شہرت یافتہ قوال استاد راحت علی فتح خان اور گلوکارہ آئمہ بیگ اپنی آواز کا جادو جگائیں گے-

واضح رہے کہ کبریٰ خان اس سے قبل 2013 میں وہ فلم ‘نامعلوم افراد’ اور 2018 میں وہ ‘پرواز ہے جنوں’ اور ‘جوانی پھر نہیں آنی 2’ میں جلوہ گر ہوئی تھیں جبکہ دوسری جانب اداکار و گلوکار گوہر ممتاز نے 2016 میں فلم ‘لاہور سے آگے’ سے بڑی اسکرین پر ڈیبیو کیا تھا-

Leave a reply