فلم ڈائریکٹر محمدعبداللہ مختار نے بہاولپور کا نام روشن کر دیا ـ

شارٹ فلم میکنگ میں بہاول پور کے نئے ابھرتے ہوئے ینگ فلم ڈائریکٹر محمدعبداللہ مختار نے بہاولپور کا نام روشن کر دیا ـ
ایک ہی سال میں دوشارٹ فلم بنا کر دونوں فلموں سے پنجاب بھر میں پہلی پوزیشن حاصل کی عبداللہ مختار اس سے پہلے رواں سال اپنی پہلی شارٹ فلم (ثقافت زندہ رہے گی) سے پنجاب میں پہلی پوزیشن حاصل کی اور وزیراعلیٰ پنجاب سے دولاکھ کا فرسٹ انعام وصول کیا۔
اب انکی دوسری فلم (دلدل) جو کہ محکمہ بہبود آبادی پنجاب نے شارٹ فلم مقابلہ منعقد کرایا اس میں بھی پنجاب بھر سے پہلی پوزیشن حاصل کرلی۔آج 7اکتوبر کو لاہور میں تقریب انعامات منعقد ہورہی ہے جس میں شریک ہونے کے لئے عبداللہ مختار اپنے والد مختارانجم کے ہمراہ لاہور روانہ ہوگئے ہیں۔

معروف اداکار،صداکار ڈرامہ نگار وہدائیتکار مختارانجم نے ایک بیان میں کہا ہے کہ ان کے بیٹے عبداللہ مختار نے دوسری شارٹ فلم سے پہلی پوزیشن حاصل کرکے ثابت کردیا ہے کہ اس کے اندرچھپی خداداد صلاحیت اسے ایک کامیاب ڈائریکٹر ثابت کررہی ہے اور وہ خود کو بہاول پور کا ایک باصلاحیت نوجوان ثابت کررہے ہیں مختارانجم نے کہا کہ وہ اپنے بیٹے کی مزیدکامیابیوں کے لئے دعا گو ہیں۔عبداللہ مختار کا کہنا ہے کہ انکی تمام کابیابیوں کے پیچھے اس کے والدین کی دعائیں ہیں اور ان فنکاروں کی اداکاری ہے جومیرے پروجیکٹ کا حصہ ہوتے ہیں انہوں نے اپنی ٹیم کے تمام فنکاروں کو بھی اس بڑی اچیومنٹ کی مبارکباد دی۔

غلام محمد قریشی باغی نیوز بہاولپور