عامر خان کی فلم ’پی کے‘ کے اداکار انتقال کر گئے

ایک اور بالی وڈ اداکار سائی گندیور 42 سال کی عمر میں امریکہ میں انتقال کر گئے۔

باغی ٹی وی : ایک اور بالی وڈ اداکار سائی گندیور 42 سال کی عمر میں امریکہ میں انتقال کر گئے۔ بھارتی نشریاتی ادارے ہندوستان ٹائمز کی رپورٹ کے مطابق سائی گندیور برین کینسر کا شکار تھے اور طویل عرصے سے امریکی شہر لاس اینجلس میں اپنا علاج کروا رہے تھے۔

पी. के. सारख्या लोकप्रिय चित्रपटांच्या माध्यमातून प्रेक्षकांची मने जिंकणारे अभिनेते साईप्रसाद गुंडेवार यांची कॅन्सरशी झुंज अखेर अपयशी ठरली. त्यांच्या निधनाने भारतीय चित्रपट सृष्टीने हरहुन्नरी अभिनेता गमावला आहे. भावपूर्ण श्रद्धांजली! pic.twitter.com/oHg8qDq4UF

— ANIL DESHMUKH (@AnilDeshmukhNCP) May 10, 2020

بھارتی ریاست مہاراشٹر کے وزیر داخلہ انیل دیشمکھ نے سماجی رابطے کی ویب سائٹ ٹوئٹر پر ایک ٹوئٹ میں سائی گندیور کے اچانک انتقال پر اپنے دکھ کا اظہار کیا۔

اپنی ٹوئٹ میں انہوں نے افسوس کا اظہار کرتے ہوئے لکھا کہ پی کے جیسی فلم میں کام کرکے لوگوں کا دل جیتنے والے اداکار سائی گندیور کینسر سے بازی ہار گئے ان کے انتقال کے ساتھ بھارتی فلم انڈسٹری نے اپنا ایک اور باصلاحیت اداکار کھو دیا-

خیال رہے کہ سائی گندیور نے اپنے کیریئر کا آغاز 2010 میں ایم ٹی وی چینل کے شو اسپلٹس ولا کے ساتھ کیا اور اس ہی شو سے انہیں مقبولیت ملی۔

سائی گندیور نے سلمان خان کی فلم ’یوراج‘ میں بھی کام کیا انہوں نے عامر خان کی کامیاب فلم ’پی کے‘ میں بھی کام کیا تھا جبکہ فلم راک آن میں فرحان اختر کے ساتھ بھی کام کیا تھا اور آخری مرتبہ 2018 میں ریلیز ہونے والی سیف علی خان کی فلم ’بازار‘ میں کام کیا تھا

واضح رہے کہ سائی گندیور سے قبل با لی وڈ میں تین اور نامور شخصیات 29 اپریل 2020 کو اداکار عرفان خان، 30 اپریل 2020 ک2 اداکار رشی کپور، اور یکم مئی 2020 کو بھارتی فلم اینڈ ٹیلی ویژن پروڈیوسر گلڈ آف انڈیا کے سی ای او کلمیت مکر کے انتقال کی خبر نے ان کے مداحوں کو اداس کردیا تھا۔

ایک اور بھارتی اداکار رشی کپور چل بسے

عرفان خان کے انتقال پر پاکستانی فنکاروں کا افسوس کا اظہار