عظمی تشدد کیس ، ملک ریاض کی بیٹی کے خلاف ایف آئی آر درج

لاہور:عظمی تشدد کیس ، ملک ریاض کی بیٹی کے خلاف ایف آئی آر درج کرلی گئی ہے، باغی ٹی وی کے مطابق عظمی تشدد کیس ، پولیس نے کاروائی کا اعلان کرتے ہوئے ملک ریاض کی بیٹی آمنہ عثمان زوجہ ملک عثمان کے خلاف مقدمہ درج کرلیا ہے ،ذرائع کے مطابق یہ مقدمہ تھانہ ڈیفینس سی لاہور میں درج کیا گیا ہے

ذرائع کے مطابق اس مقدمے میں آمنہ عثمان ملک ، اورملک ریاض کی بیٹیوں کومورد الزام ٹھہرایا گیا ہے، جس میں کہا گیا ہےکہ عظمیٰ خان لاہور میں اپنی رہائش گاہ میں موجود تھیں کہ آمنہ عثمان ملک اورملک ریاض کی دونوں بیٹیاں مسلح گارڈز کے ساتھ اس کے گھرمین گھس آئیں اورتشدد کرنے کے ساتھ ساتھ برا بھلا بھی کہا ، عظمیٰ خان کی طرف سے اس درخواست میں کہا گیا ہےکہ آمنہ عثمان ملک نے اسکو دھمکیاں بھی دیں ہیں ،

اس ایف آئی آر میں کہا گیا ہےکہ ملک ریاض کی بیٹیاں طاقت کے بل بوتے پرہمارے گھرآئیں اورآتے ہی ہمیں تشدد کا نشانہ بنانا شروع کردیا گیا ،باغی ٹی وی کے مطابق عظمیٰ خان تشدد کیس لمحہ بہ لمحہ ڈرامائی صورت حال اختیارکررہا ہے، مٹی کے تیل بات چلی تو شراب اورکوکین پرآکر مکمل ہوئی ادھرپنجاب پولیس نے اس کیس کی اہمیت کے پیش نظرشواہد کی بنیاد پرمقدمہ درج کرنے کا اعلان کردیا ہے

باغی ٹی وی کے مطابق ڈی آئی جی آپریشنز لاہوررائے بابرسعید نے سماجی رابطے کی ویب سائٹ ٹویٹرپراپنے پیغام میں کہا ہےکہ پولیس اس سارے کیس پربخوبی نظررکھے ہوئے ہے ،اس کیس میں ملوث تمام کرداروں کو قانون کے سامنے پیش ہونا پڑے گا،ڈی آئی جی آپریشنز کا کہنا تھا کہ قانون اپنا راستہ خود متعین کرے گا