سنچورین :پہلا ون ڈے: بابراعظم کی سنچری، پاکستان نے50اوورکی آخری گیند پرسخت مقابلےکےبعد جنوبی افریقہ کوشکست دے دی،اطلاعات کے مطابق پاکستان نے کپتان بابراعظم کی شان دار سنچری اور امام الحق کی نصف سنچریوں کی بدولت ایک روزہ سیریز کے پہلے میچ میں جنوبی افریقہ کے 273 رنز کے تعاقب میں
پاکستان کی طرف سے اوپنر فخرزمان 8 رنز بنا کر تیسرے اوور میں 9 کے مجموعی اسکور پر آؤٹ ہوئے تاہم کپتان بابراعظم نے کریز سنبھال لی اور امام الحق کے ساتھ مل کر محتاط انداز میں اسکور آگے بڑھایا۔
دونوں بلے بازوں نے شان دار شراکت کے دوران اپنی نصف سنچریاں بھی مکمل کیں، بابراعظم نے ذمہ دارانہ بیٹنگ کرتے ہوئے 104 گیندوں پر سنچری مکمل کی۔
Innings Break!@OfficialCSA : 273/6
Scorecard: https://t.co/u9ax6Qlzsn #SAvPAK #HarHaalMainCricket #BackTheBoysInGreen pic.twitter.com/GlzThiMDha
— Pakistan Cricket (@TheRealPCB) April 2, 2021
بابراعظم کی اننگز میں 17 چوکے شامل تھے اور 103 رنز بنا کر نارٹجے کی گیند پر آؤٹ ہوئے، اس وقت پاکستان کا اسکور 32ویں اوور میں 186 رنز تھا۔امام الحق اور محمد رضوان کے درمیان شراکت آگے نہ بڑھ سکی اور 193 پر امام الحق 70 رنز کی اننگز کھیل کر پویلین کو لوٹ گئے
کپتان بابراعظم اور امام الحق نے ٹیم کو ایک پوزیشن پر پہنچایا تھا لیکن اپنا پہلا میچ کھیلنے والے دانش عزیز 3 اور آصف علی دو رنز بنانے کے بعد جلد ہی آؤٹ ہوگئے، جس کے نتیجے میں ٹیم ایک مرتبہ پھر دباؤ میں آگئی۔
قبل ازیں جنوبی افریقہ نے ڈوسن کی سنچری کی بدولت پاکستان کے خلاف 3 میچوں کی ایک روزہ سیریز کے پہلے میچ میں ابتدائی طور پر نقصان میں جانے کے باوجود مقررہ اوورز میں 6 وکٹوں پر 273 رنز بنا لیے۔
سنچورین میں کھیلے جا رہے سیریز کے پہلے میچ میں پاکستان نے ٹاس جیت کر جنوبی افریقہ کو پہلے بیٹنگ کی دعوت دی تو باؤلرز نے اچھی کارکردگی کا مظاہرہ کیا۔
جنوبی افریقہ نے اننگز کا آغاز کیا تو پاکستانی باؤلرز نے شان دار کاردگری دکھاتے ہوئے محض 55 رنز پر میزبان ٹیم کے 4 بلے بازوں کو پویلین لوٹنے پر مجبور کردیا تھا تاہم ڈیوسن نے ڈیوڈ ملر کے ساتھ مل کر بیٹنگ لائن کو سہارا دیا اور معقول ہدف ترتیب دے دیا۔کپتان کوئنٹن ڈی کوک اور ایڈن میکرم نے 34 رنز کی اوپننگ شراکت کی تھی جس کو شاہین شاہ آفریدی نے توڑ دیا۔
شاہین شاہ آفریدی نے کوئنٹن ڈی کوک کو بابراعظم کے ہاتھوں کیچ کروایا جبکہ انہوں نے 20 رنز بنائے تھے، جس کے بعد 19 رنز بنانے والے میکرم کو 41 کے مجموعے پر فہیم اشرف کا کیچ بنا دیا۔
جنوبی افریقہ کو تیسرا نقصان محمد حسنین نے 43 کے اسکور پر پہنچایا جب کپتان ٹیمبا باووما صرف ایک رن بنا کر آؤٹ ہوئے۔فہیم اشرف نے ہینرک کلاسان کو ایک رن سے آگے بڑھنے نہیں دیا اور 55 کے اسکور پر آؤٹ کیا۔
ریسی وینڈر ڈوسن اور ڈیوڈ ملر نے چوتھی وکٹ میں سنچری شراکت قائم کرتے ہوئے ٹیم کو بحرانی کیفیت سے نکال لیا اور 116 رنز کی شراکت کے دوران ملر نے نصف سنچری مکمل کی۔
حارث رؤف نے نصف سنچری بنا کر خطرناک عزائم دکھانے والے جارح مزاج بلےباز کو وکٹ کیپر محمد رضوان کا کیچ بنا دیا، اس وقت جنوبی افریقہ کا اسکور 171 رنز تھا۔
ڈیوڈ ملر کے بعد اینڈیلے فیلکوایو نے 235 کے اسکور تک ڈوسن کا ساتھ دیا اور47 ویں اوور میں 29 رنز بنا کر آؤٹ ہوئے۔ڈوسن نے اور کگیسو رابارا نے ساتویں وکٹ میں اسکور کو مزید آگے بڑھایا اور ٹیم کی اننگز مزید کسی نقصان کے مکمل کی۔
ڈوسن نے آؤٹ ہوئے بغیر 134 گیندوں پر 10 چوکوں اور 2 چھکوں کی مدد سے 123 رنز بنائے، رابادا نے 13 رنز کی اننگز کھیلی۔پاکستان کی جانب سے شاہین شاہ آفریدی اور حارث رؤف نے 2،2 وکٹیں حاصل کیں، محمد حسنین اور فہیم اشرف نے ایک،ایک کھلاڑی کو آؤٹ کیا۔
جنوبی افریقہ کے خلاف بیٹنگ کرتے ہوئے آخری لمحات پرمیچ اس قدردلچسپ اورسنسنی خیر ہوگیا تھا کہ 50 ویں اوورکی آخری گیند سے پہلے پاکستان کا اسکوربھی 273 پرپہنچ گیا اورپاکستان کے 7 کھلاٹی آوٹ ہوچکے تھے ، تاہم 50 ویں اوور کی آخری گیند پرچوکے کے ساتھ پاکستانی بلے باز نے 277 رنزبناکریہ میچ جیت کرفتح پاکستانیوں کے نام کردی
اسکواڈ:
جنوبی افریقہ: تیمبا بووما کی کپتانی میں کوئنٹن ڈی کاک، ایڈن مارکرام، راسی وین ڈیر ڈوسین، ہینرک کلاسین، ڈیوڈ ملر، اندیلے پھیلوکوایو، کاگیسو ربادا، آنرچ نورجے، لونفی نگیدی، تبریز شمس
پاکستان: بابر اعظم کی کپتانی میں امام الحق، فخر زمان، محمد رضوان، دانش عزیز، آصف علی، شاداب خان، فہیم اشرف، شاہین شاہ آفریدی، محمد حسنین، حارث روؤف
