صوبائی فوڈ اتھارٹیزکے اختیارات پر نظرثانی کا وفاقی حکومت کا فیصلہ

اسلام آباد:وفاقی حکومت کی طرف سے صوبائی فوڈ اتھارٹیز کے اختیارات پر نظرثانی کی خبریں گردش کررہی ہیں. وفاقی وزیر سائنس اینڈ ٹیکنالوجی فواد چوہدری کی زیر صدارت ہونے والے اجلاس میں اس بات کا فیصلہ کیا گیا ہے.فواد چوہدری کا کہناہے کہ صوبائی فوڈ اتھارٹیزآئین کے مطابق خوراک کے معیار کا تعین نہیں کرسکتیں.

فواد چوہدری نے کہا کہ پاکستان میں خوراک کے معیار کے تعین کا اختیار صرف وفاق کے پاس ہے.انہوں نے کہا کہ صوبائی فوڈز اٹھارٹیز کو خوراک کے معیار سے متعلق مزید احکامات جلد بھیج دیئے جائیں گے. یاد رہے کہ ان دنوں پنجاب میں فوڈز اتھارٹی کی طرف سے خوراک کے معیار اور اختیارات کے غلط استعمال پر کافی سوالات اٹھ رہے تھے. ایسے ہی دوسرے صوبوں میں بھی فوڈز اتھارٹیز کے دائرہ کار کا جائزہ لینے کے حوالے سے تجاویز زیر غور تھیں