بھارتی سابق وزیر اعلیٰ کو 5 سال قید اور 60 لاکھ روپے جرمانے کی سزا

بھارتی ریاست بہار کے وزیر اعلیٰ کو کرپشن کیس میں سی بی آئی کی خصوصی عدالت نے 5 سال قید اور 60 لاکھ روپے جرمانے کی سزا سنائی گئی ہے۔

باغی ٹی وی : بھارتی میڈیا کے مطابق لالو پرساد یادو پر الزام تھا کہ انہوں نے چارے کے لیے مختص فنڈز میں سے 139 کروڑ روپے کا فراڈ کیا تھا، 1990 کے چارہ اسکینڈل کے پانچویں کیس میں سابق وزیر اعلیٰ لالو پرساد یادو سمیت 38 افراد کو عدالت نے 15 فروری نے مجرم قرار دیکر فیصلہ محفوظ کرلیا 950 کروڑ روپے کے مشہور چارہ گھوٹالہ میں سب سے بڑا ہے۔

تین بار ریاست بہار کے وزیراعلیٰ رہنے والے 73 سالہ لالو پرساد اسی اسکینڈل کے مختلف مقدمات میں دسمبر 2017 سے سزا کاٹ رہے ہیں۔

تاہم بیماری کے باعث زیادہ تر عرصہ جھارکھنڈ کے راجندر انسٹی ٹیوٹ آف میڈیکل سائنسز میں گزارا ور گزشتہ سال جنوری میں انھیں دہلی کے اسپتال منتقل کیا گیا تھا، اس کیس کا فیصلہ بھی انہوں نے اسپتال سے ویڈیو کانفرنس کے ذریعے سنا۔

سی بی آئی کے اسپیشل پراسیکیوٹر بی ایم پی سنگھ نے کہا کہ 38 مجرموں میں سے 35 برسا منڈا جیل میں بند ہیں جب کہ لالو پرساد یادو سمیت تین دیگر مجرموں کو صحت کی وجہ سے راجندر انسٹی ٹیوٹ آف میڈیکل سائنسز (RIMS) میں داخل کرایا گیا ہے۔

چارہ گھوٹالے سے جڑا ایک اور معاملہ پٹنہ کی سی بی آئی عدالت میں زیر التوا ہے یہ کیس بینک بھاگلپور کے خزانے سے غیر قانونی طور پر رقم نکالنے سے متعلق ہے 950 کروڑ کے چارہ گھوٹالہ میں بڑے پیمانے پر بدعنوانی شامل تھی جس میں پورے بہار میں متعدد سرکاری خزانوں سے جانوروں کے چارے کے لیے فنڈز کا غبن کیا گیا تھا۔

اس معاملے میں سی بی آئی نے کل 170 ملزمان کے خلاف چارج شیٹ داخل کی تھی جب کہ 26 ستمبر 2005 کو 148 ملزما ن کے خلاف الزامات طے کیے گئے تھے عدالت نے 29 جنوری2022 کو لالو پرساد یادو سمیت 99 لوگوں کے خلاف تمام فریقین کے دلائل سننے کے بعد اپنا فیصلہ محفوظ کر لیا تھا، جنہیں چار مختلف چارہ کرپشن کے مقدمات میں 14 سال کی سزا سنائی گئی تھی۔

خیال رہے کہ متحدہ بہار میں چارہ گھوٹالہ معاملہ جنوری 1996 میں محکمہ حیوانات میں چھاپے کے بعد سامنے آیا تھا۔ جون 1997 میں سی بی آئی نے اس وقت کے وزیر اعلیٰ لالو یادو کو ملزم کے طور پر نامزد کیا ایجنسی نے لالو پرساد اور بہار کے سابق وزیر اعلی جگن ناتھ مشرا کے خلاف الزامات طے کیے تھے۔ ستمبر 2013 میں، ٹرائل کورٹ نے لالو پرساد، جگن ناتھ مشرا اور 45 دیگر کو چارہ گھوٹالے سے متعلق ایک کیس میں مجرم ٹھہرایا اور انہیں رانچی جیل بھیج دیا۔