دہشت گردی کے خدشات کے پیش نظر پولیس وقانون نافذ کرنے والے اداروں نے کالعدم تنظیموں سے تعلق رکھنے والے فورتھ شیڈول میں شامل افراد کے خلاف گھیرا تنگ کرنے کا فیصلہ کیا ہے
پنجاب میں فورتھ شیڈول میں شامل 256 افراد میں سے لاپتہ 14افراد کے ٹھکانوں کا سراغ لگانے کے لئے کارروائیاں تیز کردی ہیں۔ باخبر ذرائع کے مطابق فورتھ شیڈول میں شامل کیے گئے 256افراد میں سے 14افراد کچھ عرصے سے اپنے گھروں کو چھوڑ کر روپوش و لاپتہ ہوگئے ہیں جب پولیس نے ان کے گھروں پر چیکنگ کی تو فورتھ شیڈول میں شامل دہشت گرد تنظیم القاعدہ سے روابط رکھنے والے 4 افراد، کالعدم تحریک طالبان پاکستان سے تعلق رکھنے والے 4 افراد، سپاہ صحابہ سے تعلق رکھنے والا ایک شخص جبکہ لشکر جھنگوی سے تعلق رکھنے والا بھی ایک شخص گھر سے غائب تھا۔ فورتھ شیڈول میں شامل ان لاپتہ اور روپوش ہونے والوں میں سے9 افراد کا تعلق اٹک،2کا راولپنڈی، 2 کا چکوال اور ایک کا جہلم سے ہے۔
لاہور میں انارکلی سمیت حالیہ دہشت گردی کے واقعات کے بعد صوبائی حکومت نے سی ٹی ڈی اور پولیس حکام کو فورتھ شیڈول میں شامل افراد کی سرگرمیوں پر نظر رکھنے، ان کے مختلف افراد سے رابطوں سے متعلق معلومات حاصل کرنے اور ان کی کڑی نگرانی کی ہدایات جاری کیں۔ جس پر انکشاف ہوا کہ پنجاب میں فورتھ شیڈول میں شامل 14افراد لاپتہ ہیں۔
ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب
ایف اے ٹی ایف کا پاکستان کی کوششوں کا اعتراف، ڈومور بھی کہہ دیا
ایف اے ٹی ایف کی ڈیمانڈ، کالعدم تنظیموں کی کتنی جائیداد ضبط کی گئی؟
کالعدم تنظیموں کی املاک منجمد کرنے کی تفصیلات ایوان میں پیش
انسپکٹر جنرل پولیس پنجاب راؤ سردار علی خان نے کہا ہے کہ معاشرے میں امن و امان کی فضا برقرار رکھنے اورسماج دشمن عناصر کو کیفرِ کردار تک پہنچانے کیلئے نیشنل ایکشن پلان پر عمل درآمدکو مزید تیز کرنے کیلئے تمام دستیاب وسائل سے بھرپور استفادہ کیا جائے تا کہ سماج دشمنوں اور دہشت گرد عناصر کے خاتمے میں کوئی کسر نہ اٹھا رکھی جائے۔
خفیہ معلومات کا بروقت حصول سماج دشمن عناصر کی سرگرمیوں کے قلع قمع میں کلیدی حیثیت کا حامل ہے لہذا پولیس ٹیمیں اپنے انٹیلی جنس نیٹ ورک کو مضبوط سے مضبوط بنائیں جبکہ انفارمیشن شئیرنگ نظام کو بھی مزید فعال جائے تاکہ دہشتگردو ں کے ناپاک عزائم کو ناکام بنانے کیلئے بروقت اقدامات لئے جاسکیں۔ دینی مدارس، اقلیتی عبادت گاہوں سمیت تمام حساس مقامات کے سکیورٹی پلان اور سرویلنس پر بطور خاص توجہ دی جائے اورسپروائزری افسران خودفیلڈ وزٹس کرکے سکیورٹی اقدامات کی مانیٹرنگ کو معمول بنائیں۔ کالعدم تنظیموں سے وابستہ افراد جو فورتھ شیڈول میں شامل ہیں کی سرگرمیوں کی کڑی نگرانی جاری رکھی جائے اور نقص امن کی کسی کوشش پرذمہ داران کیخلاف سخت قانونی کاروائی میں رعایت نہ برتی جائے۔
مذہبی منافرت پر مبنی وال چاکنگ اور گستاخانہ تقاریر اور مواد کی نشر و اشاعت کسی صورت قابل قبول نہیں لہذا امن و اتحاد کی فضا برقرار رکھنے کیلئے تمام مکتبہ فکر کے علمائے کرام سے کلوز کوارڈی نیشن رکھی جائے اورمانیٹرنگ اور سرویلنس کے نظام کو بہتر سے بہتر بنایا جائے۔ اندراج قانون کرایہ داری اور لاؤڈ سپیکر ایکٹ پر سختی سے عمل درآمد وقت کی اہم ضرورت ہے لہذا خلاف ورزی کے مرتکب افراد کے بلا امتیاز قانونی کاروائی میں تاخیر کسی صورت برداشت نہیں کی جائیگی۔
