فرانس کے ایک اسکول میں چاقو حملے کے نتیجے میں ایک طالبعلم ہلاک ہو گیا۔
غیر ملکی خبررساں ایجنسی کے مطابق واقعے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں، تاہم زخمی طالبعلم زخموں کی تاب نہ لاتے ہوئے موقع پر ہی دم توڑ گیا۔عینی شاہدین کے مطابق حملہ اسکول کی حدود میں ہوا، جب ایک مشتبہ حملہ آور نے اچانک ایک طالبعلم پر چاقو سے وار کیے۔حملے کے بعد فرانسیسی حکام نے حملہ آور کو موقع پر گرفتار کر لیا ہے اور واقعے کی مزید تحقیقات جاری ہیں۔ حملے کی وجوہات اور حملہ آور کی شناخت ظاہر نہیں کی گئی۔
دوسری طرف فرانسیسی صدر اور وزیرِ تعلیم نے واقعے پر شدید افسوس کا اظہار کرتے ہوئے متاثرہ خاندان سے تعزیت کی ہے۔ صدر نے اپنے بیان میں کہا کہ ’’ یہ ہمارے تعلیمی اداروں کی سلامتی کے لیے ایک لمحہ فکریہ ہے۔ ایسے واقعات کسی صورت قابل قبول نہیں۔‘‘اس واقعے نے ملک میں اسکولوں کی سیکورٹی اور نوجوانوں میں بڑھتے ہوئے پرتشدد رویوں پر نئی بحث چھیڑ دی ہے۔
پہلگام بہانہ، بھارتی فورسزکانام نہاد آپریشن،1500سےزائد کشمیری گرفتار
دوہرا معیار ایک گورکھ دھندہ .تحریر :عائشہ اسحاق
پی ٹی آئی رہنما عالیہ حمزہ جہلم جیل سے رہا
