کشمیر کی آزادی: وزیراعظم کے معاون خصوصی کا تازہ ترین بیان
![](https://baaghitv.com/wp-content/uploads/2019/08/kashmir.jpeg)
اسلام آباد: وزیراعظم کے معاون خصوصی ندیم افضل چن نے کہا ہے کہ ہمیں کشمیر کی آزادی کیلئے سیاسی لڑائیاں ختم کرنے کی ضرورت ہے اور آپس میں اتحاد کرلینا چاہئیے.
نجی ٹی وی کے پروگرام میں گفتگو کرتے ہوئے ندیم افضل چن نے کہا کہ "پاکستان میں بھی کشمیر کی آزادی کیلئے اتحاد کی بہت ضرورت ہے، ہم اپنی سیاسی لڑائیاں لڑیں گے تو پھر تاریخ ہم کومعاف نہیں کرے گی”. انہوں نے مزید کہا کہ ہندوستان میں مودی پر لبرل لوگ اب تنقید کر رہے ہیں، اگر ہم اپنی سیاسی لڑائیاں لڑیں گے تو پھر تاریخ ہم کومعاف نہیں کرے گی، پارلیمنٹ کے مشترکہ اجلاس میں بدقسمتی سے جو رویہ اختیار کیا گیا، وہ نہیں ہونا چاہئے تھا۔ انہوں نے کہا کہ یہ ہماری زندگی موت کا مسئلہ ہے، ہمیں اس مقصد کے لئے اپنے مفادات کو پس پشت پر ڈال دینا چاہئے.