اوورسیز پاکستانیوں کو ووٹ کا حق،پروجیکٹ کیلیے فنڈز جاری ،کام نہیں ہوا،وکیل کا انکشاف

لاہور ہائیکورٹ میں اوورسیز پاکستانیوں کو ووٹ کا حق دینے سے متعلق کیس کی سماعت ہوئی

سرکاری وکیل نے مزید پیش رفت کے لیے عدالت سے مہلت کی استدعا کردی لاہور ہائیکورٹ نے استدعا منظور کرتے ہوئے سماعت 27جون تک ملتوی کردی ، سیکرٹری الیکشن کمیشن نے عدالت میں کہا کہ متعلقہ اداروں کو ووٹ کا حق دینے کی ہدایات جاری کررکھی ہیں، جسٹس شجاعت علی خان نے ریمارکس دیتے ہوئے کہا کہ یہ کام تمام اداروں کے تعاون سے ممکن ہونا ہے ،ہمارے بھائی بہن باہر ہیں ،ہم انکا حق دے رہے ہیں، سیکرٹری الیکشن کمیشن نے کہا کہ انٹرنیٹ ووٹنگ مشین تیار کرلی ہے، پروجیکٹ میں فنڈز درکار ہیں

جسٹس شجاعت علی خان نے سیکرٹری الیکشن کمیشن سے سوال کیا کہ حکومت کب تک فنڈز جاری کرے گی ؟ سرکاری وکیل نے کہا کہ پروجیکٹ کے لیے نادرا کو فنڈز جاری کیے گئے،انہوں نے اس پر کام نہیں کیا، جسٹس شجاعت علی خان نے ریمارکس دیتے ہوئے کہا کہ اگر ایسا ہے تو ہم معاملہ نیب کو بھیج دیتے ہیں، سرکاری وکیل نے کہا کہ اب معاہدہ جلد ہونے والا ہے، کام شروع ہوچکا ہے

درخواست میں وفاقی حکومت ،الیکشن کمیشن سمیت دیگر کو فریق بنایا گیا ہے، درخواست میں عدالت سے استدعا کی گئی ہے کہ اوورسیز پاکستانیوں کو ووٹ کا فوری حق دیا جائے،

پی ٹی وی کے پاس پرانے کیمرے، سپیئر پارٹس نہیں ملتے،قائمہ کمیٹی اجلاس میں انکشاف

پی ٹی وی سپورٹس پر اینکرز کی دس دس گھنٹے کی تنقید ، قائمہ کمیٹی نے تجزیوں کو غیر معیاری قرار دے دیا

فلم پالیسی کو بہت جلد عملی جامہ پہنایا جائے گا، قائمہ کمیٹی تعاون کرے گی: سینیٹر فیصل جاوید

اوورسیز پاکستانیوں کو ووٹ کا حق دیا جائے، شہری عدالت پہنچ گیا

دوسری جانب لاہور ہائی کورٹ میں چیئرمین پیپلزپارٹی بلاول بھٹو کی نااہلی کے لیے متفرق درخواست پر سماعت ہوئی ،لاہور ہائی کورٹ نے درخواست نمٹاتے ہوے الیکشن کمیشن کو بھجوا دی ،عدالت نے الیکشن کمیشن کو درخواست گزار کی زیر التوا درخواست پر 30روز میں فیصلہ کرنے کا حکم دے دیا،جسٹس شمس محمود مرزا نے پاکستان نژاد امریکی شہری کی درخواست پر فیصلہ جاری کر دیا ، جسٹس شمس محمود مرزا نے کہا کہ درخواست کو الیکشن کمیشن کو بھجوایا جاتا ہے الیکشن کمیشن درخواست گزار کی زیر سماعت درخواست پر ایک ماہ میں فیصلہ کرے، درخؤاست گزار نے کہا کہ اس وقت دو پیپلز پارٹی الیکشن کمیشن میں رجسٹرڈ ہیں، ایک پیپلز پارٹی کے سربراہ بلاول بھٹو زرداری ہیں.دوسری پیپلز پا رٹی پارلیمنٹرین کے نام سے رجسٹرڈ ہے. اس پارٹی کے سربراہ آصف علی زر داری ہیں. بلاول بھٹو زرداری نے عام الیکشن میں این اے 200 لاڑکانہ سے پیپلز پارٹی پارلیمنٹرین کے ٹکٹ پر الیکشن لڑا.بلاول بھٹو زرداری کا اپنی پارٹی چھوڑ کر دوسری پارٹی کے پلیٹ فارم سے الیکشن لڑنا الیکشن ایکٹ 2017کی خلاف ورزی ہے.اسنے بلاول بھٹو زرداری کے اس غیر آئینی اقدام کے خلاف الیکشن کمیشن کو درخواستیں دیں کہ اسکو بلاول بھٹو زرداری کے الیکشن لڑنے کے مکمل کوائف دیے جائیں. الیکشن کمیشن اسکی درخواستوں اور ای میل پر فیصلہ نہیں کر رہا