کراچی: ائیرپورٹ سیکورٹی فورس(اے ایس ایف) نے گداگری اور جعلسازی میں ملوث خاتون سمیت 2 مسافروں کی بیرون ملک جانے کی کوشش ناکام بنا دی۔
باغی ٹی وی : ترجمان اے ایس ایف کے مطابق ایف آئی اے امیگریشن نے کراچی ائیرپورٹ پر کارروائی کرتے ہوئے جعلسازی اور گداگری میں ملوث خاتون سمیت 2 افراد کو گرفتار کرلیا،ملزمان کی شناخت صحت خاتون اور احسان کے نام سے ہوئی،ملزمہ صحت خاتون وزٹ ویزے پر بحرین جا رہی تھی، ملزمہ بیرون ملک گداگری میں ملوث ہے اور اس کا نام بلیک لسٹ میں شامل تھا۔
ریکارڈ کے مطابق صحت خاتون سعودی عرب اور قطر میں گداگری میں ملوث رہی ہے اس سے قبل ملزمہ کو سعودی عرب سے ڈی پورٹ کیا گیا تھا ملزمہ نے سوشل میڈیا کے ذریعے خدا بخش نامی ایجنٹ سے سعودی عرب جانے کے لیے رابطہ کیا تھا اور 2 لاکھ 50 ہزار روپے دئیے تھے۔
محسن نقوی کے ساتھ تصویر کیوں؟عمران وزیراعلیٰ خیبر پختونخوا پربرس پڑے
ترجمان اے ایس ایف نے مزید کہا کہ ملزم احسان سینیگال سے پاکستان پہنچا تھا امیگریشن کلیرینس کے دوران ملزم کی دستاویزات مشکو ک پائی گئیں، ملزم کے پاسپورٹ پر اٹلی کی امیگریشن کی جعلی اسٹیمپ بھی لگی ہوئی تھی، ابتدائی تفتیش کے مطابق ملزم نے شیخوپو رہ کے رہائشی انصر نامی ایجنٹ کے ذریعے سفری دستاویزات کا بندوبست کیا ملزم نے البانیہ جانے کے لیے ایجنٹ کے ساتھ 30 لاکھ روپے میں معاملات طے کیے جس میں سے 10 لاکھ روپے ابتدائی طور ایجنٹ کو ادا کیے گئے۔ مذکورہ رقم کے عوض ایجنٹ نے مسافر کو یورپ بھجوانا تھا
چین اور بھارت کا دوبارہ براہ راست فضائی سروس پر اتفاق
ملزم نے انکشاف کیا کہ ایجنٹ نے جعلی امیگریشن اسٹیمپ اس کے پاسپورٹ پر لگائی گرفتار ملزمان کو مزید قانونی کارروائی کے لیے انسداد انسانی اسمگلنگ سرکل کراچی منتقل کردیا گیامزید تفتیش جاری ہے۔
دوسری جانب کراچی سے عمرہ اور ورک ویزا پر جانے والے 103 مسافروں کو آف لوڈ کردیا گیا۔
سعودی عرب کی جائیداد میں غیرملکیوں کو سرمایہ کاری کی اجازت
وفاقی تحقیقاتی ادارے (ایف آئی اے) کے امیگریشن سیل نے گزشتہ 48 گھنٹے کے دوران کراچی ائیرپورٹ سے مختلف ممالک کو جانے والے 103 مسافروں کو آف لوڈ کردیا امیگریشن ذرائع کے مطابق عمرہ کیلئے سعودیہ جاتے ہوئے 28 افراد کو آف لوڈ کیا گیا اس کے علاوہ آذربائیجان، سعودیہ، ترکیہ، قبرص، بحرین، ملائشیا، تھائی لینڈ، سری لنکا، سنگاپور، مالوی، برونڈی، کانگو، عمان، بوٹسوانا، انڈونیشیا، البانیہ اور مڈغاسکر جانے والے افراد کو بھی آف لوڈ کردیا گیا۔
