پشاور: ماڑی پیٹرولیم نے خیبر پختونخوا کے علاقے شمالی وزیرستان سے گیس دریافت کرلی ہے۔
باغی ٹی وی : ماڑی پیٹرولیم کی جانب سے جاری کردہ اعلامیے میں بتایا گیا ہے کہ شمالی وزیرستان میں شیوا 2 کنویں کی کھدائی کے دوران گیس دریافت کی گئی شیوا 2 کنویں سے تقریباً 6 لاکھ کیوبک فٹ یومیہ گیس حاصل ہوگی کنویں کی کھدائی 2 جون 2023 کو شروع کی گئی، جبکہ 4 ہزار 577 میٹر تک کھدائی کرنے پر گیس دریافت ہوئی تھی،نئی دریافت سے ملک میں گیس ذخائر میں بہتری آئے گی۔
دوسری جانب کراچی کی لیاری کھڈہ مارکیٹ کی رہائشی عمارت میں گیس لیکج کے سبب زوردار دھماکہ ہوا جس کے نیتجے میں ایک لڑکا اور 2 لڑکیاں جھلس کر شدید زخمی ہو گئیں رہائشی عمارت میں گیس لیکج ہو رہی تھی مگر اس کی پرواہ نہ کی جس پر زوردار دھماکہ ہو گیا ،ریسکیو اہلکاروں نے زخمیوں کو شدید زخمی حالت میں سول برنز وارڈ میں منتقل کر دیا۔
