جنرل ریٹائرڈ فیض حمید بھی سیاست سیاست کھیلنے لگے

چکوال :لیفٹیننٹ جنرل (ر)فیض حمید کی تحریک انصاف میں شمولیت کے حوالے سے سوشل میڈیا پرخبریں زیر گردش ہیں ۔ سوشل میڈیا پر وائرل ہونیوالی ویڈیوز میں دیکھا جاسکتا ہے جنرل فیض حمیدچکوال میں تحریک انصاف کی کارنر میٹنگ میں شریک ہیںاور تحریک انصاف کے کارکن انہیں خوش آمدید کہہ رہے ہیں ۔

یہ بھی بتایاجارہا ہے کہ جنرل ر فیض حمید کے ساتھ ان کے دوست احباب بھی ہیں اور وہ اس موقع پر بہت خوش دکھائی دے رہے ہیں ، چکوال میں ہونے والی اس بیٹھک کی ویڈیو بہت زیادہ وائرل ہورہی ہے ، جسے سوشل میڈیا پر دیکھا جاسکتا ہے ،

اس اہم بیٹھک میں کیا باتیں ہوئیں اور فیض حمید نے کس طرح علاقے کے لوگوں کے لیے مفاد حاصل کیا اس حوالے سے بھی ایک حیران کن خبر ہے کہ سارے MPA NNA سن لیں اکیلے جنرل فیض صاحب نے صرف 4 یونین کونسلوں کیلئے 1 ارب کے فنڈ منظور کروائے ہیں

اس حوالے سے سوشل میڈیا پر وائرل ہونے والی ویڈیو میں ایک شخص ان کی موجودگی میں چند منٹ گفتگو کرتا ہے اور کہتا ہے کہ ہماری خواہش تھی کہ آپ آرمی چیف بنتے ، اس شخص کا یہ بھی کہنا تھا کہ آپ نے جس طرح علاقے کے لوگوں کی خدمت کی ہے وہ اپنی مثال آپ ہے ، آپ نے اس علاقے کی چار یونین کونسل کے لے 25 ، 25 کروڑ کی گرانٹس فی الفور منطور کروائی ہیں اور امید کرتے ہیں کہ آپ اس علاقے کی خوشحالی کے لیے اس سے بڑھ کراپنا کردار ادا کریں گے

یہ بھی معلوم ہوا ہے کہ اس موقع پر جننرل ریٹائرڈ فیض حمد نے اس ہونے والی گفتگو کے اثبات میں کئی مرتبہ سرہلا کر تصدیق کی ، جنرل فیض حمید نے اس موقع پر علاقے کے لوگے کے لیے پہلے سے زیادہ فلاحی کاموں کے لیے اپنا کردار ادا کرنے کی حامی بھری