پا کستان شوبز انڈسٹری کے معروف اداکاریاسرحسین کا کہنا ہے کہ ایک فلم کی ہیروئن کیسے دکھتی ہے اور کیمرے کے سامنے کس طرح پرفارم کرتی ہے یہ کوئی اداکارہ ’میرا جی‘ سے سیکھے۔
باغی ٹی وی : اداکاریاسرحسین نے انسٹاگرام پرفلم ’پرے ہٹ لو‘ کا گانا شئیر کیا جس میں اداکارہ میرا رقص کررہی ہیں یاسر حسین نے میرا کی تعریف کرتے ہوئے گانے کے بول لکھتے ہوئے کہا کہ گانے میں ’ایک پل بہہ جانا‘ بول کے میرا جی نے ایک گھنٹہ بٹھا لیا۔
یاسر حسین نے لکھا کہ فلم ’پرے ہٹ لو‘ کے اس گانے میں میرا جی کی پرفارمنس کمال ہے، ساتھ ہی انہوں نے کریوگرافر اور فلم کے ڈائریکٹر کی اس بہترین کاوش کو سراہا۔
https://www.instagram.com/p/CBvmJ3kjnn7/
انہوں نے لکھا کہ اس گانے میں جہاں گلوکار اذان سمیع خان اور حدیقہ کیانی کی محنت ہے وہیں میرا جی کی اسکرین پرفارمنس کمال ہے۔
اداکار نے لکھا کہ ایک فلم کی ہیروئن کیسے دِکھتی ہے اور کیمرے کے سامنے کس طرح پرفارم کرتی ہے یہ کوئی میرا جی سے سیکھے۔ اس گانے میں شاندار پرفارمنس کر کے اداکارہ نے سب کو پیچھے چھوڑ دیا ہے۔
یاسر حسین نے میرا کی تعریف کرتے ہوئے یہ بھی لکھا کہ وہ میرا جی کی یہ پرفارمنس دیکھنے کے بعد ایک بار پھر اُن کے دیوانے ہوچکے ہیں، جیو میرا جی، آپ ایک ہی ہیں۔
حدیقہ کیانی نے تُرک عوام کے دل جیت لئے
