مغربی یورپ میں جمعرات سے تیز بارشوں کا سلسلہ شروع ہوا ہے، ان بارشوں کی وجہ جرمنی میں میں سیلابی صورتحال ہوگئی ہے، سڑکیں تالاب کا منظر پیش کررہی ہیں، اس سیلاب سے 45 افراد جان کی بازی ہارچکے ہیں، بہت سے علاقہ مکین ابھی بھی لاپتہ ہیں، علاقے میں ریسکیو آپریشن کیا جا رہا ہے، علاقہ مکینوں کی نکل مکانی کی جا رہی ہے، محکمہ موسمیات نے مزید بارشوں کی پیش گوئی کی ہے.
موجودہ سیلابی صورتحال جرمنی میں دوسری جنگ عظیم کے بعد پیدا ہونے والی صورتحال جیسی ہے، علاقہ مکینوں کو ہیلی کاپٹر کے ذریعہ ریکسکیو کیا جارہا ہے، ہیلی کاپٹر علاقے کا فضائی معائنہ کررہا ہے، گھروں کی چھتوں پر موجود عوام کو ہیلی کاپٹر کے ذریعہ امدادی اشیاء پہنچائی جا رہی ہیں.
پینشنر اینیمری مولر، جن کی عمر 65 سال ہے، کہتی ہیں کہ میں نے اپنے گھر کی چھت پر کھڑے ہو کر اپنے باغیچے کو پانی میں بہتا دیکھا ہے، ئی بارش کہاں سے آئی ہے؟ یہ ایک پاگل پن تھا، اس سیلاب نے گزشتہ رات ٹاؤن کی سڑک کو اپنی لپیٹ میں لے لیا تھا، پانی کا بہت شور تھا.
جرمن چانسلر انجلینا مرکل نے علاوے کا فضائی دورہ کیا ہے، کہا کہ یہ قوم کو تباہ کردینے والی آفت ہے، حکومت ہرممکن وسائل کا استعمال کرے گی، عوام کے جان و مال کی حفاظت کو یقینی بنایا جائے گا، عوام کو اس مشکل گھڑی سے نکالا جائے گا.
