غیر قانونی قرضہ ایپس؛ فراڈ کیس میں دس سے زائد غیرملکی شہری ملوث

غیر قانونی قرضہ ایپس فراڈ کیس میں دس سے زائد غیرملکی شہریوں کے ملوث ہونے کا انکشاف ہوا ہے جبکہ نجی ٹی وی کے مطابق یہ غیرملکی شہری پاکستان میں 16 غیرقانونی قرضہ ایپس چلارہے تھے، ان غیرملکیوں کے ساتھ کام کرنے والے مقامی پاکستانیوں کیخلاف مقدمات درج ہیں اور غیر ملکیوں کی طرف سے ان ایپس کے ذریعے جمع کی گئی دوارب روپے کی رقم بھی ضبط کرلی گئی جبکہ چارشہروں میں غیرقانونی ایپس سے متعلقہ 8 دفاترسیل کردیے گئے ہیں۔

تاہم زاہد گشکوری کا کہنا ہے کہ سرکاری حکام کے مطابق چھ غیرملکیوں کے خلاف مقدمات درج کرلیے گئے، مجموعی طوراب تک 62 ملزمان پکڑے گئے ہیں اور ایف ائی اے تحقیقاتی ٹیم نے دودرجن مقدمات کے چالان عدالتوں میں جمع کرادیے تاہم ذرائع کے مطابق ایف آئی اے کی چار ٹیموں نے 83غیرقانونی قرضہ ایپس 22ارب روپے کے 218 اکاونٹس تک رسائی حاصل کرلی ہے۔
مزید یہ بھی پڑھیں؛
فیفا ورلڈ کپ 2034 کا انعقاد؛ میزبانی کیلئے بحرین اور کویت نے سعودیہ کی حمایت کردی

جی میل نے نیا فیچر متعارف کروا دیا
اردو یونیورسٹی کے قائم مقام وائس چانسلر عہدے سے فارغ
استحکام پاکستان پارٹی کی رجسٹریشن کا نوٹیفکیشن جاری
الیکٹرک موٹر سائیکل بنانے کے لیے 31 کمپنیوں کو لائسنس جاری
سونے کی قیمتوں میں کمی
جبکہ سرکاری حکام کے مطابق ایف ائی اے تحقیقاتی ٹیم نے اسٹیٹ بینک کے توسط سے تحقیقات کیلیے رقم تک رسائی حاصل کی، مرکزی بینک نے ایف آئی اے کی درخواست پرتمام مشتبہ ایپس کے اکاؤنٹس کو منجمد کردیا ہے، علاوہ ازیں حکام کے مطابق پی ٹی اے کی درخواست پر گوگل نے 120 غیرقانونی قرضہ ایپس پاکستان میں بند کردی ہیں،منجمد اکاؤنٹس کا فرانزک آڈٹ اور ایپس کے قرضہ آپریشن بارے تحقیقات جاری ہیں۔