گھرمیں رنگ روغن کا کام کرنے آئے شخص کی بچے کے ساتھ بدفعلی کی کوشش

لاہور: پولیس نے معصوم بچے کے ساتھ بدفعلی کی کوشش کرنے والے ملزم کو گرفتار کرلیا۔

باغی ٹی وی : تفصیلات کے مطابق ایس پی کینٹ عیسی سکھیرا کی ہدایت پر فیکٹری ایریا پولیس نے کارروائی کی اور 5 سالہ بچے کے ساتھ بدفعلی کی کوشش کرنے والے ملزم عزیز کو گرفتار کرلیا۔

ملزم نے چھت پر کھیلتے بچے کے ساتھ نازیبا حرکات کیں اور بدفعلی کرنے کی کوشش کی ملزم مدعی مقدمہ کے گھر رنگ روغن کا کام کرنے آیا تھا پولیس نے ملزم کے خلاف مقدمہ درج کرلیا ہے۔

لڑکی کو نازیبا ،فحش تصاویر بھیجنے والا ملزم گرفتار

ایس پی عیسی سکھیرا نے کہا کہ بچوں کا استحصال کرنے والوں سے آہنی ہاتھوں سے نمٹا جائے گا۔

واضح رہے کہ اس سے قبل ایف آئی اے نے کاروائی کرتے ہوئے لڑکی کو قابل اعتراض ونازیبا ویڈیوز و تصاویر کے ذریعے بلیک میل و ہراساں کرنے میں ملوث ملزم کو گرفتار کیا تھا راولپنڈی کے علاقے الہ آباد ویسڑیج کے رہائشی خواجہ عمیرعلی پر لڑکی کی نازیبا تصاویرتیار کرکے سماجی رابطے کی ویب سائٹ فیس بک و انسٹا گرام پر اپ لوڈ کرنے کا الزام ہے-

15 برس سے سمجھوتہ ایکسپریس دہشتگردی واقعہ کے لواحقین انصاف کے منتظر

ملزم لڑکی کو بلیک میل و ہراساں کرنے کے لیے نازیبا تصاویر واٹس ایپ کے ذریعے فیملی ممبران کو ارسال کرتا رہا ملزم نے لڑکی کی کزن کو بھی واٹس ایپ کے ذریعے نازیبا تصاویر ارسال کیں انکوائری کے دوران ملزم کے فیس بک اکاونٹ کا تجزیہ کیا گیا تو لڑکی کی متعدد نازیبا تصاویر برآمد ہوئیں اور کچھ دوسری فیس بک آئی ڈی پر ٹرانسمٹ بھی ہوئیں انکوائری مکمل ہونے اور شواہد سامنے آنے پر ملزم کے خلاف پیکا ایکٹ کے تحت مقدمہ درج کرکے ملزم کو ویسڑیج کے علاقے سے گرفتار کرلیا گیا۔

احمد آباد دھماکے، عدالت نے 38 مجرموں کو سزائے موت سنا دی

قبل ازیں گزشتہ روز ایف آئی اے سائبر کرائم سرکل کوئٹہ نے چائلڈ پورنوگرافی میں ملوث شخص کے خلاف کامیاب کارروائی کی ہے ترجمان ایف آئی اے کے مطابق ایف آئی اے سائبر کرائم سرکل کوئٹہ نے آج چھاپہ مار کر ایف آئی آر نمبر 06/2022 میں ملزم سید حافظ احمد جان شاہ سکنہ سیٹلائٹ ٹاؤن کوئٹہ کو گرفتار کر لیا۔ ملزم گوگل فوٹوز کلاؤڈ اسٹوریج میں بچوں کے فحش مواد کی بڑی مقدار کو اپنے قبضے میں رکھنے میں ملوث ہے۔ ڈیجیٹل آلات کو مناسب طریقے سے ضبط کر لیا گیا ہے اور تفصیلی تجزیہ کے لیے ڈیجیٹل فرانزک لیب کو بھیج دیا گیا ہے۔

سوتیلے باپ نے تین سالہ بچے کو چارپائی پر پیشاب کرنے پر قتل کردیا