غزہ کے الشفا ہسپتال میں بمباری سے تباہ کن صورتحال

غزہ پر سات اکتوبر سے اسرائیلی بمباری جاری ہے، اسرائیل کے حملوں‌میں 11 ہزار سے زائد شہری شہید ہو چکے ہیں ،اسرائیل نے ہسپتالوں کو بھی نشانہ بنایا، گزشتہ روز سے اسرائیل نے الشفا ہسپتال سمیت کئی ہسپتالوں پر بمباری کی،اسرائیل کا دعویٰ ہے کہ ہسپتال حماس اہلکاروں کے محفوظ ٹھکانے ہیں

ڈاکٹرز ودآؤٹ بارڈرز نے الشفا ہسپتال میں ‘تباہ کن صورتحال’ پر تشویش کا اظہار کیا۔امدادی ایجنسی ڈاکٹرز ودآؤٹ بارڈرز نے ایک سرجن کا حوالہ دیا ہے جس میں غزہ شہر کے الشفا ہسپتال کے اندر "تباہ کن صورتحال” پر تشویش کا اظہار کیا گیا ہے۔اسرائیل کی جانب سے "گذشتہ چند گھنٹوں کے دوران، الشفا ہسپتال کے خلاف حملوں میں ڈرامائی طور پر شدت آئی ہے۔ایک سرجن کا کہنا ہے کہ ایک مریض جسے سرجری کی ضرورت ہے۔ ہم خود کو نہیں نکال سکتے اور ان لوگوں کو اندر نہیں چھوڑ سکتے۔ بطور ڈاکٹرمیں ان لوگوں کی مدد کرنے کی قسم کھاتا ہوں جنہیں مدد کی ضرورت ہے۔

ڈاکٹرز ودآؤٹ بارڈرز نے کہا کہ وہ فی الحال ہسپتال میں اپنے کسی عملے سے رابطہ کرنے سے قاصر ہیں۔ہم فوری طور پر ہسپتالوں کے خلاف حملوں کو روکنے اور طبی سہولیات، طبی عملے اور مریضوں کے تحفظ کا مطالبہ کرتے ہیں.

اسرائیلی نے دعویٰ کیا ہے کہ الشفاء اسپتال حماس اہلکاروں کا محفوظ ٹھکانہ ہےالبتہ حماس نے اسرائیلی دعوے کی تردید کی ہے، الجزیرہ نے الشفا ہسپتال کے ڈائریکٹر محمد ابو سلمیہ سے بات کی ہے۔ڈائریکٹر محمد ابوسلیمہ کا کہنا تھا کہ میں صرف اتنا کہہ سکتا ہوں کہ ہم نے جانیں گنوانا شروع کر دی ہیں۔ مریض لمحہ بہ لمحہ مر رہے ہیں، متاثرین اور زخمی بھی مر رہے ہیں – ہم نے انتہائی نگہداشت یونٹ میں ایک نوجوان کو بھی کھو دیا۔ غزہ شہر میں واقع ہسپتال کو بجلی، انٹرنیٹ اور پانی اور طبی سامان کے بغیر چھوڑ دیا گیا ہے۔

دار الشفاء ہسپتال، جس کے نام کا ترجمہ "شفا کا گھر” ہے، طویل عرصے سے اسرائیلی حملوں کے دوران ایک اہم پناہ گاہ کے طور پر دیکھا جاتا رہا ہے۔ حالیہ ہفتوں میں، غزہ کی پٹی میں ہزاروں فلسطینی بمباری سے اس لیے ہسپتالوں میں پہنچے کہ انہیں امید تھی کہ وہ علاقے کے سب سے بڑے ہسپتال کے گراؤنڈ میں محفوظ رہیں گے

غزہ کے الشفا اسپتال میں انتہائی نگہداشت کے وارڈ میں 39 بچے آکسیجن کی کمی کی وجہ سے موت کے منہ میں ہیں، ایک بچے کی موت ہو گئی ہے ،الشفا ہسپتال پر اسرائیل نے مسلسل بمباری کی ، بعد میں ہسپتال کی بجلی بھی بند کر د ی گئی،الشفا ہسپتال کو مکمل خالی کروا لیا گیا ہے، آج صبح ایک شخص کو ہسپتال میں داخل ہونے پر گولی مار دی گئی،

غزہ کی وزارت صحت کے ترجمان نے بتایا کہ سب سے بڑے الشفا ہسپتال کمپلیکس میں ایندھن ختم ہونے کے بعد ہفتے کے روز آپریشن معطل کر دیا گیا تھا۔ غزہ کے اسپتالوں میں مریضوں کو ناگزیر موت کا سامنا ہے، وہ اسرائیل اور عالمی برادری کو اس سنگین صورتحال کا ذمہ دار ٹھہراتے ہیں۔”غزہ کے 30 ہسپتالوں میں سے اب 20 مکمل طور پر بند ہو چکے ہیں،

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

غزہ کے الشفا ہسپتال پر بھی بمباری 

اسرائیل کی حمایت میں گفتگو، امریکی وزیر خارجہ کو مہنگی پڑ گئی

اسرائیلی بمباری سے فلسطین کے صحافی محمد ابوحطب اہل خانہ سمیت شہید

 فلسطینی بچوں کو طبی امداد کی فراہمی کے لئے متحدہ عرب امارات میدان