fbpx

غیر قانونی ہاؤسنگ سوسائیٹیز کے خلاف چیف کمشنر اسلام آباد نے بڑا حکم دے دیا

غیر قانونی ہاؤسنگ سوسائیٹیز کے خلاف چیف کمشنر اسلام آباد نے بڑا حکم دے دیا

باغی ٹی وی کی رپورٹ کے مطابق چیف کمشنر اسلام آباد نے عوامی شکایات پر غیر قانونی ہاوسنگ سوسائیٹیز کی تشہیر پر مکمل پابندی عائد کرتے ہوئے متعقلہ اداروں کو سخت کارروائی کا حکم دے دیا

چیف کمشنر اسلام آباد کا کہنا ہے کہ اسلام آباد میں غیر قانونی ہاوسنگ سوسائیٹیز کی مارکیٹنگ پر پہلے سے عائد پابندیوں پر بھی مکمل عملدرآمد کروایا جائے۔ چیف کمشنر آفس نے احکامات کی تصدیق کرتے ہوئے ڈپٹی کمشنر/ رجسٹرار کوآپریٹو ہاوسنگ سوسائیٹیزڈائریکٹوریٹ آف میونسپل ایڈ منسٹریشن اور سی ڈی اے کے متعلقہ ڈیپارٹمنٹس کو احکامات جاری کر دیئے گئے ہیں چیف کمشنر آفس کا کہنا ہے کہ غیر قانونی ہاوسنگ سوسائیٹیز کی ہر طرح کی تشہیر/مارکیٹنگ پر مکمل پابندی عائد ہو گی۔غیر قانونی ہاوسنگ/کمرشل منصوبوں کی بل بورڈز،ہورڈنگز،پینا فلیکس،بروشرز اور دیگر ذرائع سے تشہیر/مارکیٹنگ پر مکمل پابندی ہو گی۔ پرینٹنگ پریس کسی بھی ہاوسنگ سوسائیٹی کا تشہیری مواد چھاپنے سے پہلے منصوبے کی قانونی حیثیت کی تصدیق کروانے کے پابند ہوں گے۔پرنٹنگ پریس سے غیر قانونی ہاوسنگ سوسائیٹیز کا تشہیری مواد چھپائی روکنے کیلئے آر ڈی اے سے بھی کوآرڈینیشن کیجائے گی جائے گی،

چیف کمشنر اسلام آباد کی ہدایات پر غیر قانونی ہاوسنگ سوسائیٹیز کی ڈیجیٹل میڈیا کے ذریعے مارکیٹنگ روکنے کیلئے متعقلہ اداروں سے کوآرڈینیشن کر رہے ہیں ۔وفاقی دارالحکومت میں سی ڈی اے سے این او سی لیئے بغیر مارکیٹنگ کرنے والے تمام رہائشی/کمرشل منصوبے غیر قانونی ہیں۔عوام الناس رئیل اسٹیٹ سیکٹر میں سرمایہ کاری سے پہلے سی ڈی اے سے تصدیق کریں بیرون ملک پاکستانی بھی وفاقی دارالحکومت کی حدود میں رہائشی اور کمرشل منصوبوں میں سرمایہ کاری سے پہلے سی ڈی اے سے لازمی تصدیق کریں۔

جواب چھوڑیں

آپ کا ای میل ایڈریس شائع نہیں کیا جائے گا.