پنجاب میںغنڈہ گردی ختم کرکے ر ہوں گا ، آئی جی پنجاب ان ایکشن
لاہور:پنجاب میں امن وامان کی صورت حال کو بہتر کرنے کے لیے لاہور سمیت صوبہ بھر سے غنڈہ گردی کا خاتمہ ہوگا، آئی جی پنجاب نے سی پی او لاہور سمیت بڑے شہروں کو تمام غنڈہ عناصر کی تفصیلات 27 جولائی تک بھجوانے کی ہدایت کردی ہے۔
پنجاب بھر میںامن وامان کی صورت حال کو بہتر کرنے کے ل یے آئی جی پنجاب کیپٹن (ر) عارف نواز کی جانب سے ایک ماہ قبل پنجاب بھر سے ٹاپ ٹونٹی بدمعاشوں کی لسٹیں مانگی گئی تھیں جوکہ موصول ہوچکی ہیں، آئی جی پنجاب نے سی سی پی او لاہور سمیت بڑے شہروں سے تمام غنڈہ عناصر کی تفصیلات مانگ لی ہیں۔
اطلاعات کے مطابق آئی جی پنجاب نے اس مراسلے میں یہ بھی کہا تھا کہ ان غنڈہ گردوں کے خلاف جو ایکشن لیا گیا ہے جتنے مقدمات ہیں وہ بھی بھجوائے جائیں تاکہ غنڈہ گرد عناصر کا خاتمہ کرکے شہریوں کواحساس تحفظ فراہم کیا جاسکے۔
