سونا مزید مہنگا ،نام ہے جس کا "سونا” اب ہر کسی کی پہنچ سے دور ہونےلگا

کراچی:پاکستان میں معاشی صورت حال ابھی سنبھلنے کا نام نہیں لے رہی .ڈالر کا ریٹ بڑھتا ہے تو سونے کی قیمتیں بڑھنے لگتی ہیں. دوسری طرف عالمی مارکیٹ بھی اثر انداز ہورہی ہے. یہی وجہ ہے کہ عالمی مارکیٹ میں سونے کی قیمت میں اضافے اور روپے کی بے قدری نے سونے کی قیمت ملکی تاریخ کی نئی بلند ترین سطح پر پہنچا دی، پاکستان میں ایک تولہ سونا ایک ہزار روپے کے اضافے سے 82 ہزار 600 روپے کا ہو گیا۔

کراچی سے سندھ صرافہ ایسوسی ایشن کے مطابق پاکستان میں سونے کی فی تولہ قیمت ایک ہزار روپے کے اضافے سے ملکی تاریخ میں پہلی بار 82 ہزار 600 روپے ہو گئی، دس گرام سونا آٹھ سے اٹھاون روپے کے اضافے سے ستر ہزار آٹھ سو روپے کا ہو گیا،، جبکہ 22 کیرٹ سونے کی قیمت چونسٹھ ہزار نو سو روپے فی دس گرام ہو گئی۔