دنیا کے تیز ترین سرچ انجن گوگل نے حال ہی میں دنیا بھر کے صارفین کے لیے گوگل میپ میں ’ڈارک موڈ‘ کو شامل کیا ہے۔
باغی ٹی وی :غیر ملکی خبر رساں ادارے کی رپورٹ کے مطابق معروف ٹیکنالوجی کمپنی گوگل کی جانب سے گوگل میپ پر ڈارک موڈ کی آزمائش گزشتہ سال ستمبر سے کی جا رہی تھی۔
گوگل میپ پر ڈارک موڈ سے ایپ کا بیک گراؤنڈ سفید سے کالے رنگ میں تبدیل ہو جائے گا جب کہ میپ میں اسٹریٹ کے نام ہلکے گرے رنگ سے ظاہر ہوں گے۔
گوگل میپ کے ڈارک موڈ کو آن کرنے کے لیے صارفین کو سب سے پہلے گوگل میپ کی سیٹنگ کے آپشن میں جانا ہوگا جس کے بعد انہیں نیچے تھیم کا آپشن نظر آئے گا۔
تھیم کے آپشن پر کلک کرنے کے بعد صارفین ڈارک موڈ کے آپشن پر کلک کر کرے اسے آن کر سکیں گے۔
