15 سال بعد سوات کے ایئر پورٹ کو دوبارہ کھولنے کا فیصلہ ، سیاحت کو فروغ ملے گا

سوات: 15 سال بعد دوبارہ سوات کا ایئر پورٹ کھولنے کا فیصلہ کرلیا گیا ، وزیر اعظم عمران خان کی ہدایت پر سیدو شریف ایئرپورٹ پر ترقیاتی کام آخری مراحل میں داخل ہوگیا۔

ذرائع کے مطابق پاکستان سول ایوی ایشن کی پروجیکٹ ڈائریکٹر کی سربراہی میں 7 رکنی وفد نے سوات ایئرپورٹ کا دورہ کیا اور رن وے کی تعمیر، ٹرمنل بلڈنگ سمیت کنٹرول ٹاور کا سرے کیااور اس پر جاری کام کا جائزہ لیا گیا ، جس پر تسلی کااظہار بھی کیا گیا

میں شہباز شریف کی جان بخشی نہیں ہونے دوں گا ، مولانا فضل الرحمن کے بیان نے ہلچل مچادی

ذرائع کےمطابق سول ایوی ایشن حکام نے اس بات کی تصدیق کی ہے کہ سید شریف ایئرپورٹ کا رن وے مکمل طور پر تیار ہوچکا، پی آئی اے کو ایک ہفتے کے نوٹس پر دیگر سہولیات بھی فراہم کردی جائیں گی۔

پہلے مرحلے میں چھوٹے اے ٹی آر طیارے لینڈ کریں گے، بڑے جہازوں کے لیے رن کو جدید انداز سے تیار کرنے کی منصوبہ بندی بھی شروع ہوگئی۔ سیدو شریف ایئرپورٹ پر ایئربس 320طیاروں کی لینڈنگ کےلیےمنصوبہ بندی شروع ہوچکی جس پر کام جلد شروع کیا جائے گا۔

یاد رہے کہ سوات ائیرپورٹ کو 1978 میں تعمیر کیا گیا تھا جبکہ امن و امان کی صورتحال کے باعث اسے 2004 میں بند کیا گیا تھا۔لیکن اب 15 سال بعد اس کو دوبارہ کھول کر پاکستان میں سیاحت کو فروغ دینے کا منصوبہ زیرغور ہے