fbpx

حکومت کا سیلاب سے جاں بحق افراد کے لواحقین کو 10 لاکھ روپے امداد دینے کا اعلان

وزیراعظم کی زیرصدارت خیبرپختونخوا اور بلوچستان میں سیلاب کی صورتحال پراجلاس ہوا جس میں وفاقی حکومت نے سیلاب سے جاں بحق افراد کے لواحقین کو 10 لاکھ روپے امداد دینے کا اعلان کیا۔

ملک بھر میں حالیہ بارشوں سے 176 افراد جاں بحق ہوگئے

وزیر اعظم شہباز شریف نے کہا کہ این ڈی ایم اے، صوبائی ڈیزاسٹر حکام کے مشترکہ سروے کے بعد معاوضہ دیا جائےگا، وزیراعظم نے قائم مقام چیئرمین این ڈی ایم اے کو کوئٹہ فوری پہنچنے کی ہدایت بھی کی اور کہا کہ چیئرمین این ڈی ایم اے سیلاب متاثرین کی امداد، بحالی کیلئے بلوچستان حکومت کے ساتھ مل کرکام کریں گے۔

وزیراعظم نے کہا کہ اللہ کا شکر ہے کہ تمام ڈیمز محفوظ ہیں، صورتحال پر چوبیس گھنٹے نظر رکھی جارہی ہے، نقصانات کا جائزہ لینے، سیلاب متاثرین سے اظہار یکجہتی کیلئے جلد بلوچستان جاؤں گا، مون سون کی مزید بارشوں کے پیش نظر وفاقی اور صوبائی محکمے ہائی الرٹ رہیں۔