لاہور:حکومتی اقدامات رنگ جمانے لگے ، سرکاری جامعات کو عالمی سطح پر پزیرائی ملنے لگی ہے ، ان خیالات کااظہار وزیر ہائر ایجوکیشن پنجاب راجہ یاسر ہمایوں سرفراز نے آج ایک تقریری مقابلوں کی تقریب میںکیا ، صوبائی وزیر نے کہا کہ جب وزارت کا قلمدان سنبھالا تو ایک بھی سرکاری یونیورسٹی عالمی رینکنگ میں نمایاں مقام نہیں رکھتی تھی، ہائر ایجوکیشن ڈیپارٹمنٹ نے جامعات کو رینکنگ پر توجہ دینے کا کہا اور آج پنجاب کی دو جامعات دنیا کی ایک ہزار بہترین یونیورسٹیز میں شامل ہو گئی ہیں،
راجہ یاسر ہمایوں نے اس موقع پر ملک میں فنی تعلیم کی بہتری کے حوالے سےکہا کہ فنی تعلیم کی کمی ہے اسی لئے کمیونیٹی کالجز کا قیام عمل میں لایا جا رہا ہے جہاں جاب مارکیٹ کو مد نظر رکھتے ہوئے طلبا ء تعلیم حاصل کر سکیں گے۔ جبکہ دو سالہ ایسوسی ایٹ ڈگری مکمل کر نے کے بعد طلباء چار سالہ بی ایس پروگرام میں داخلہ لینے کے اہل ہوں گے۔ یہ ابھی آغاز ہے انشا اللہ ہماری جامعات دنیا میں اپنا مقام پیدا کریں گی۔صوبائی وزیرکے ساتھ اس تقریب میںاور بھی شخصیات کو دعوت دی گئی تھی،
یاد رہے کہ پچھلے دنوں دنیا کی جامعات کی درجہ بندی کرنےوالےادارے نے پاکستان کی چند جامعات کو بھی بہترین جامعات میں شامل کرتے ہوئے ان کی صلاحیت اور اہلیت کا اعتراف کیا تھا،
