گوجرانوالہ میں 11 سالہ بچی سے زیادتی اور قتل کا گرفتار ملزم مبینہ مقابلے میں ہلاک

گوجرانوالہ میں بچی سے زیادتی اور قتل کا گرفتار ملزم مبینہ پولیس مقابلے میں مارا گیا۔

باغی ٹی وی : تفصیلات کے مطابق گوجرانوالہ پولیس کا کہنا ہے کہ ملزم کو موٹر سائیکل کی برآمدگی کے لیے لے جا رہے تھے کہ اس دوران جائے وقوع پر پہنچنے پر نامعلوم افراد نے فائرنگ کر دی۔

پولیس کے مطابق فائرنگ کا واقعہ تھانہ قلعہ دیدار سنگھ کے علاقے میں پیش آیا، جس میں 2 روز قبل 11 سال کی بچی سے زیادتی کر کے اسے قتل کرنے میں ملوث ملزم مارا گیا۔

وضح رہے کہ گوجرانوالہ میں 11 سال کی بچی کو زیادتی کے بعد قتل کر دیا گیا تھا واقعے کے خلاف مقامی افراد نے تھانہ قلعہ دیدار سنگھ کے باہر احتجاج کیا تھا –

گوجرانوالہ پولیس نے بتایا تھا کہ رات کو مذکورہ 11سالہ بچی کی لاش کھیتوں سے ملی تھی، بچی کو زیادتی کے بعد گلا دبا کر قتل کیا گیا تھا ملزم علی رضا کو گرفتار کر لیا گیا تھا ملزم بچی کا محلے دار تھا –

دوسری جانب وزیرِاعلیٰ پنجاب سردار عثمان بزدار نے گوجرانوالہ میں زیادتی کے بعد طالبہ کے قتل کے واقعے کا نوٹس لیتے ہوئے آر پی او گوجرانوالہ سے رپورٹ طلب کی وزیرِاعلیٰ پنجاب سردار عثمان بزدار نے ہدایت کی تھی کہ واقعے میں ملوث ملزم کے خلاف قانونی کارروائی کی جائے تاکہ اسے عبرت ناک سزا مل سکے-

ٹنڈو آدم :15 سالہ لڑکی جنسی زیادتی و تشدد کا شکار، بہن بہنوئی سمیت 4 افراد کیخلاف مقدمہ درج

شادی کا جھانسہ دیکر زیادتی کرنیوالے مجرم کو جرمامہ اورعمر قید سزا