گستاخانہ خاکوں کے خلاف مسلم ممالک کا بائیکاٹ، توانائی، زراعت اور جنگی سامان صنعت کو خطرہ

مسلم ممالک گستاخانہ خاکوں کیخلاف فرانسی سفیر
کو ملک بدر اور مصنوعات کا بائیکاٹ کریں،متحدہ
علماء محاذ

حکمران اسلام کے نظام عدل کو نافذ و سیرت مصطفی ﷺ کو مشعل راہ بنائیں،پروفیسر حافظ محمد سلفی
سیرت رسولؐ اسلامی اخوت و یکجہتی و استعمار کے خلاف بیداری کا درس دیتی ہے،مقررین وحدت امت سیمینار
کراچی()متحدہ علماء محاذ پاکستان اور شبان غرباء اہلحدیث کے زیر اہتمام پروفیسر حافظ محمد سلفی کی زیر صدارت جامعہ ستاریہ میں وحدت امت سیرت مصطفی ﷺ کی روشنی میں تیسرے سیمینار میں شریک مختلف مکاتب فکرکے علماء،محاذ کے بانی مولانا محمد امین انصاری،علامہ عبدالخالق فریدی،شیخ الحدیث مفتی محمد انس مدنی، علامہ روشن دین الرشیدی، علامہ مرتضیٰ خان رحمانی،علامہ سید سجاد شبیررضوی،علامہ قاضی احمد نورانی صدیقی ودیگر نے کہا ہے کہ ملک کے موجودہ حالات میں ملک کے دفاع اور
استحکام کے لئے سیرت نبویؐ سے سبق حاصل کیاجائے۔

مسلم حکمران اسلام کے نظام عدل کو نافذ العمل و
سیرت مصطفی ﷺ کو مشعل راہ بنائیں۔ نبی کریم ؐ کی تعلیمات امن،اخوت، محبت، صبر و تحمل،ایثار و قربانی، برداشت،باہمی رواداری،عدل و انصاف او رخوداحتسابی کی تعلیم دیتی ہے۔ فرقہ واریت،دہشت گردی سے اسلام کا کوئی تعلق نہیں نفاذ اسلام ہی ملک کو موجودہ سنگین درپیش مشکلات،چیلنجزسے نجات اور خوشحالی کی راہ پر گامزن کرسکتاہے۔

قرآن و سنت ہی پاکستان کا اٹل دستور و منشور و آئین ہے جس کی موجودگی میں ہمیں غیر شرعی مغربی جمہوریت اور سیکولر سمیت کسی نظام کی قطعاً ضرورت نہیں ہے۔سیرت رسولؐ اسلامی اخوت و یکجہتی و استعمار کے خلاف بیداری کا درس دیتی ہے۔پرامن اسلامی انقلاب پاکستان کا مقدرہے