گزشتہ ہفتہ اسٹاک مارکیٹ کے لیے کیسا رہا؟

کراچی گزشتہ کاروباری ہفتے کے دوران پاکستان اسٹاک ایکسچینج میں مندی دیکھی گئی، 100 انڈیکس 45 ہزار پوائنٹس کی سطح پر بند ہوا پاکستان اسٹاک مارکیٹ میں گزشتہ ہفتے مندی دیکھی گئی۔ ایک ہفتے کے دوران 100 انڈیکس میں 362 پوائنٹس کمی ہوئی۔کاروباری ہفتے کے اختتام پر 100 انڈیکس 0.78 فیصد کمی سے 45 ہزار 865 پوائنٹس کی سطح پر بند ہوا۔22 سے 26 فروری 2021 کے دوران شیئرز کی قیمت کم ہونے سے مارکیٹ کپیٹلائزیشن میں بھی 109 ارب روپے کمی ہوئی، ایک ہفتے میں مارکیٹ کپیٹلائزیشن 8 ہزار 316 ارب سے کم ہو کر 8 ہزار 207 ارب روپے ہوگئی۔گزشتہ ہفتے کے اختتام پر ڈالر کی قیمت میں بھی کمی آئی، جمعے کے روز انٹر بینک میں ڈالر 13 پیسے سستا ہوگیا۔