گوادراپنےرہنےوالوں کےپاوں تلےدب گیا:مولانا کا پھردھرنےاورکوسٹل ہائی وے بند کرنےکااعلان

گوادر: گوادراپنےرہنےوالوں کےپاوں تلےدب گیا:مولانا کا پھردھرنےاورکوسٹل ہائی وے بند کرنےکااعلان ،اطلاعات کے مطابق حق دوتحریک کےسربراہ مولاناہدایت الرحمان نےکوسٹل ہائی وےکی بندش کا اعلان کر دیا۔

ایئرپورٹ روڈ پر پریس کانفرنس کرتے ہوئے مولانا ہدایت الرحمان نے کہا کہ گزشتہ ماہ حکومت ‏سے مذاکرات کے بعد دھرنا ختم کیا تھا وزیراعلیٰ نے مطالبات پر عمل درآمد کا یقین دلایاتھا لیکن ‏ایک ماہ گزرنے پر ہمارےمطالبات پر عملدرآمد نہ ہو سکا۔

ہدایت الرحمان نے آئندہ کے لائحہ عمل کا اعلان کرتے ہوئے کہا کہ 20 جنوری کو اورماڑہ کوسٹل ‏ہائی وے پر دھرنا دیاجائےگا اور 3 فروری کو مکران کوسٹل ہائی وے بلاک کیا جائےگا۔

انہوں نے کہا کہ 10فروری کو سربندن کراس پر مکران کوسٹل ہائی وے بند ہو گی جب کہ 27 ‏فروری اوتھل زیرو پوائنٹ پر دھرنا ہو گا اور یکم مارچ کو غیرمعینہ مدت کیلئےدوبارہ گوادر میں ‏دھرنا دیا جائےگا۔

واضح رہے کہ حق دو تحریک کے سربراہ مولانا ہدایت الرحمان کی قیادت میں گوادر دھرنا ایک ماہ سے زائد عرصے جاری رہا جس کا وزیراعظم نے نوٹس لیا اور حکومت سے کامیاب مذاکرات کے بعد دھرنا ختم کیا گیا تھا۔

وزیراعلیٰ بلوچستان عبدالقدوس بزنجو اور حق دو تحریک کے سربراہ مولانا ہدایت الرحمان کے مابین ہونے والے معاہدے پر دستخط کیے گئے۔

یاد رہےکہ گوادر کی عوام اس وقت ایک طرف بنیادی سہولیات سے بہت دور ہیں اور دوسری طرف وہاں کی سیاسی اور مذہبی قیادت عوام کو اپنی سیاسات چمکانے کےلیے بار بار دھرنوں اور احتجاجوں پر مجبور کررہی ہے