fbpx

کراچی کی تاجر برادری کے دیرینہ مطالبات پورے ہونے کا وقت آگیا:اہم شخصیت کا دعویٰ

کراچی: کراچی کی تاجر برادری کے دیرینہ مطالبات پورے ہونے کا وقت آگیا:اہم شخصیت کا دعویٰ ،اطلاعات کے مطابق وفاقی وزیر سے شہرقائد کی تاجربرادری کے وفد نے ملاقات کی اس موقع پر تاجروں کے مسائل سنے گئے اور حل کی بھی یقین دہانی کرائی گئی۔اس موقع پر ان کا کہنا تھاکہ وقت آگیا ہے کہ کراچی کی تاجربرادری کے تمام مطالبات پورے کیے جائیں

تفصیلات کے مطابق علی زیدی سے ملاقات میں تاجر رہنما زبیر موتی والا اور جاویدبلوانی سمیت دیگر رہنما شامل تھے۔ وفاقی وزیر نے تاجربرادری کے مسائل سنے اور حل کی یقین دہانی کرائی۔ وزیر نے کراچی کی ترقی میں تاجربرادری کےکردار کو سراہا، وبا کے دوران سنگین صورت حال کا مقابلہ کرنے پر بھی تعریف کی۔

علی زیدی کا کہنا تھا کہ کراچی کی تاجربرادری ملک کی ریڑھ کی ہڈی کی حیثیت رکھتی ہے۔انہوں نے کہا کہ کراچی ملک کامعاشی حب تاجربرادری کی وجہ سےکہلاتا ہے، ملک کو بحرانوں سے نکالنے میں تاجربرادری نے ہمیشہ کردار ادا کیا۔

وفاقی وزیر نے بتایا کہ وزیر اعظم عمران خان بھی کراچی کی تاجربرادری کو قدر کی نگاہ سے دیکھتے ہیں، تاجربرادری کے مسائل وزیراعظم کے سامنے رکھوں گا۔علی زیدی کا مزید کہنا تھا کہ تاجربرادری کے مسائل کا حل ہماری اولین ترجیح ہے۔

ادھر دوسری طرف کراچی کی تاجر برادری نے اس بات پر خوشی کا اظہار کیا ہے اور کہاہےکہ انہیں‌ امید ہے کہ عمران خان واقعی کراچی کی معیشت کو سنبھالا دینے کے لیے تمام وسائل بروئے کار لائیں‌ گے