حافظ آباد:بس حادثہ،7افراد جاں بحق جبکہ 30 زخمی

حافظ آباد:بس حادثہ،7افراد جاں بحق جبکہ 30 زخمی،اطلاعات کے ماطبق ضلع حافظ آباد میں سولگیں کھرل کے نزدیک تیز رفتار بس کو حادثہ پیش آیا جس کے باعث 7 جاں بحق جبکہ 30 سے زائد افراد زخمی ہو گئے۔تفصیلات کے مطابق یہ واقعہ حافظ آباد میں سولگیں کھرل کے نزدیک پیش آیا ہے جہاں اب ریسکیو 1122 کا آپریشن جاری ہے۔

ریسکیو 1122 کی جانب سے بتایا گیا ہے کہ موقع پر موجود افراد کے مطابق سولنگی کھرل کے مقام پر تیز رفتار بس ڈمپر سے ٹکرا گئی جس کی وجہ سے مسافر بس بے قابو ہو کر الٹ گئی۔ان کا کہنا تھا کہ بس مسافروں سے کھچا کھچ بھری تھی، متعدد مسافر بس کے نیچے آکر کچلے گئے، بس کے نیچے آنے والے 7 مسافر جاں بحق جبکہ 30 کے قریب زخمی ہو گئے ہیں۔

ریسکیو 1122 کا کہنا ہے کہ مسافروں کی ہلاکتیں مزید بڑھنے کا اندیشہ ہے جبکہ فوت شدگان کی میتوں اور زخمی مسافروں کو بس کے نیچے اور اندر سے نکال کر ٹراما سینٹر حافظ آباد منتقل کیا جا رہا ہے۔

ڈپٹی کمشنر حافظ آباد توقیر الیاس چیمہ نے ڈسٹرکٹ ہیڈ کوارٹر ہسپتال اور ٹراما سینٹر میں ایمرجنسی نافذ کر دی ہے تاکہ زخمیوں کے علاج معالجے میں سستی نہ کی جائے اور انہوں نے تمام طبی سہولیات بروقت پہنچانے کا حکم بھی دیا ہے۔