وزارت مذہبی امور نے 31اگست تک حاجیوں کو فی کس ڈیڑھ لاکھ روپے واپس کرنے کا فیصلہ کیا ہے۔
باغی ٹی وی : وزارت مذہبی امور کے مطابق حاجیوں کوفی کس ڈیڑھ لاکھ روپے واپسی کے فیصلے پر عمل درآمد آج سے شروع ہو گیا ہے 5 ارب 10 کروڑ 73 لاکھ 50 ہزار روپے کی رقم سرکاری سکیم کے تمام 34049 حاجیوں کو ادا کی جائے گی۔
واضح رہے کہ حج آپریشن 2022 کی تکمیل کے بعد وفاقی وزیر مذہبی امورمفتی عبدالشکور نے پریس کانفرنس کرتے ہوئے بتایا کہ سبسڈی کی مد میں 31 اگست تک حاجیوں کو فی کس ڈیڑھ لاکھ واپس ملیں گے رقم کی ادائیگی 17 اگست سے 31 اگست تک مکمل کی جائے گی
حج آپریشن 2022 کی تکمیل کے بعد پیر کو وزارت مذہبی امور میں پریس کانفرنس سے خطاب کرتے ہوئے وفاقی وزیر مذہبی امور مفتی عبدالشکور نے کہا تھا کہ حج 2022 بہترین طریقے سے اختتام پذیر ہو گیا ہے جس کے لئے ہم اللہ تعالی کے شکر گزار ہیں۔ وزارت مذہبی امور نے کم ترین وقت میں تمام انتظامات مکمل کر کے حج انتظامات کو ممکن بنایا ہے۔
سرکاری حجاج کرام کو ڈیڑھ لاکھ روپے حج سپورٹ رقم کی واپسی 17 اگست سے شروع ہوگی،متعلقہ بینکوں کو رقوم منتقل،ادائیگی کی ہدایات جاری کر دی گئیں۔ سرکاری حجاج کرام کی وطن واپسی مکمل ہونے کے ساتھ ہی حسب وعدہ فی کس ڈیڑھ لاکھ روپے حج سپورٹ فنڈ کی رقوم واپس کرنے کا عمل شروع کر دیا گیا۔1/3 pic.twitter.com/KFITOWKyqC
— Khalid Jan Dawar (@Khalidjandawar) August 15, 2022
انہوں نے کہا تھا کہ روپے کی قدر میں کمی کی وجہ سے سعودی حکومت اور پاکستان کی معیشت کو بھی مشکلات کا سامنا ہے، لازمی حج اخراجات سات ہزار ریال تک پہنچ گئے ہیں پہلے ہم نے حج پیکج کا تخمینہ نو لاکھ انچاس ہزار لگایا تھا مگر پھر ہم نے اس پر نظر ثانی کی۔
انہوں نے کہا کہ اسلام آباد ائیر پورٹ سے 15 ہزار سے زائد سرکاری عازمین حج کو روٹ ٹو مکہ کی سہولیات فراہم کی گئیں۔ تمام حاجیوں کو ٹرانسپورٹ کی فراہمی سمیت حرمین کے قریب رہائش گاہیں فراہم کی گئیں۔ اسی طرح منی میں جمرات کے قریب پاکستانیوں کے لئے خیمےحاصل کئے گئے اور میدان عرفات میں جبل رحمت اور مسجد نمرہ کے قریب پاکستانی حاجیوں کو خیمے فراہم کئے گئے۔
حج سپورٹ فنڈ کی مد میں سرکاری حجاج کرام کو 5 ارب، 10 کروڑ، 73 لاکھ 50 ہزار روپے کی تقسیم کا عمل 17اگست تا 31 اگست مکمل کر لیا جائے گا۔ 34 ہزار 49سرکاری حجاج کو رقوم کی واپسی کی اطلاع بذریعہ موبائل SMS کی جائے گی۔سرکاری حجاج مقررہ وقت کے اندر اپنے متعلقہ بینک سے رابطہ کریں۔2/3
— Khalid Jan Dawar (@Khalidjandawar) August 15, 2022
انہوں نے کہا تھا کہ واپسی کے لیے تمام عازمین حج کو سٹی چیک ان کی سہولت فراہم کی گئی اور حاجیوں کو ان کی رہائش گاہ پر سامان وصول کرکے بورڈنگ پاس جاری کیے گئے انہوں نے کہا کہ پہلے پاکستان کا کوٹہ 81132 تھا مگر سعودی حکومت نے بنک متاثرین کے لیے دو ہزار کا اضافی کوٹہ دیا۔
انہوں نے کہا تھا کہ ہم نے حاجیوں کو سبسڈی دینے کا جو وعدہ کیا تھا ابتدائی طور پر ایک لاکھ پچاس ہزار کی رقم 32106 حاجیوں کو دینے کا وعدہ کیا ھا مگر ہم نے بعد میں دو ہزار اضافی کوٹہ والے بھی اس میں شامل کرنے کا فیصلہ کیا ہے۔
وزارت مذہبی امور نے فیصلہ کیا ہے کہ سرکاری سکیم کے تمام حاجیوں کو ایک لاکھ پچاس ہزار کی رقم کی ادائیگی کا عمل 17 اگست سے 31 اگست تک مکمل کر لیا جائے گا. حجاج اپنی اصل شناختی دستاویزات دکھا کر یہ یہ رقوم اپنے متعلقہ بنکوں سے لے سکتے ہیں اور جن حاجیوں کے اکاؤنٹس ہیں ان کو ان کی رقم ان کے اکاؤنٹ میں منتقل کر دی جائے گی۔
مختصر وقت میں ھم نے حج 2022 کے اعلیٰ انتظامات کو ممکن بنایا ۔ اس سال حج کی نمایاں خصوصیات میں اسلام آباد سے 15000 سے زائد سرکاری حجاج کو "روٹ ٹو مکہ" کی سہولت ، مکہ مکرمہ میں 10 سال کے بعد حرم کے قریب ترین رہائش گاہیں، تمام حجاج کو حرم ٹرانسپورٹ بلا تعطل فراہمی شامل ہے۔3/3
— Khalid Jan Dawar (@Khalidjandawar) August 15, 2022
5 ارب 10 کروڑ 73 لاکھ 50 ہزار روپے کی رقم سرکاری اسکیم کے تمام 34049 حاجیوں کو ادا کی جائے گی۔ 34 ہزار 49 سرکاری حجاج کو رقوم کی واپسی کی اطلاع بذریعہ موبائل SMS کی جائے گی جس کیلیے سرکاری حجاج مقررہ وقت کے اندر اپنے متعلقہ بینک سے رابطہ کریں۔
