fbpx

حج ضوابط کی خلاف ورزی ، 147 افراد گرفتار

عرب میڈیا کے مطابق حج ضوابط کی خلاف ورزی کرنے والے147 افراد کو گرفتار کیا گیا ہے۔

باغی ٹی وی : حج مقامات پر دراندازی کو روکنے کے لیے سخت اقدامات کیے گئے ہیں، مسجد الحرام کے تمام دروازوں پر 70 سے زیادہ تھرمل کیمرے نصب کئے گئے ہیں منیٰ، عرفات اور مزدلفہ کے اطراف سیکیورٹی حصار سخت کر دیا گیا۔

ترجمان سعودی وزارت داخلہ کا کہنا ہے کہ ایامِ حج میں 17 تا 22 جولائی مسجدالحرام اور اطراف جانے پر پابندی رہےگی، منیٰ ، مزدلفہ اور عرفات میں بھی بغیر اجازت داخلے پر پابندی ہے۔

واضح رہے کہ حج کا رکن اعظم وقوف عرفہ آج ادا کیا جائے گا،عازمینِ حج نماز فجر کے بعد منیٰ سے میدان عرفات پہنچنا شروع ہو گئے ہیں مسجد نمرہ میں شیخ بندربن عبد العزیز خطبئہ حج دیں گے، خطبہ حج اردو سمیت 10 زبانوں میں ترجمہ کے ساتھ براہ راست پیش کیا جائے گا۔

حجاج ظہر اور عصر کی نمازیں ایک وقت میں قصر کر کے پڑھیں گے اور پھر غروب آفتاب کے بعد نماز مغر ب ادا کیے بغیر حجاج کرام مزدلفہ روانہ ہو جائیں گے مزدلفہ میں حجاج مغرب اورعشا کی نمازیں ایک اذان اور دو تکبیروں کے ساتھ ادا کریں گے-