پی ٹی آئی حکومت نیب آرڈیننس اپنی دفاع کے لیے لائی ہے آصف علی زرداری

اسلام آباد:سابق صدر آصف علی زرداری احتساب عدالت اسلام آباد میں پیش ہوئے اور بریت کی درخواست دائر کی-

باغی ٹی وی : تفصیلات کے مطابق مشکوک ٹرانزیکشن کیس میں سابق صدر آصف علی زرداری نے نئے نیب ترمیمی آرڈیننس کے تحت بریت کی درخواست دائر کر دی ہے۔ درخواست قابل سماعت ہے یا نہیں، احتساب عدالت نے فیصلہ محفوظ کر لیا ہے۔

سابق صدر کے وکیل فاروق ایچ نائیک نے کہا کہ ہم نے بریت کی درخواست دائر کی ہے ،پہلے اس پر فیصلہ کیا جائے۔ کیس میں قومی خزانے کو نقصان پہنچانے کا کوئی الزام نہیں۔

نیب کی ٹیم آغا سراج درانی کو گرفتار کئے بغیر واپس چلی گئی

نیب پراسیکیوٹر نے کہا اگر عدالت حکم کرتی ہے تو ہم جواب جمع کروا دیں گے جس پر جج اصغر علی نے کہا پہلے یہ دلائل دیں کہ درخواست قابل سماعت ہے بھی یا نہیں۔ عدالت نے دونوں جانب سے دلائل سننے کے بعد فیصلہ محفوظ کرلیا جو جلد سنایا جائے گا۔

عدالت سے واپسی پر سابق صدر نے صحافیوں سے غیر رسمی گفتگو کی جس دوران صحافی نے سوال کیا کہ اگلی باری کس کی دیکھ رہے ہیں؟صحافی کے سوال کا جواب دیتے ہوئے آصف زرداری نے کہا کہ اگلی باری پیپلزپارٹی کی ہوگی۔

عمران خان نے پاکستان کی ڈوبتی معشیت کو بچایا شوکت ترین

صحافی نےسوال کیا کہ احتساب کا عمل کب تک چلتارہے گا۔ پیپلزپارٹی کے شریک چیئرمین نے جواب دیا کہ احتساب کا عمل اس وقت تک چلتا رہے گا جب تک معیشت مزید نیچے نہیں آجاتی۔

عدالت کے باہر میڈیا سے بات کرتے ہوئے آصف زرداری نے کہا کہ پیپلزپارٹی کا پہلے دن سے موقف ہے کہ یہ نا اہل ہیں حکومت نیب آرڈیننس اپنی دفاع کے لیے لائی ہے حکومت کا نیب آرڈیننس پہلے ہی سپریم کور ٹ میں چیلنج ہوچکا ہے۔

درخواست ضمانت مسترد ہونے پر نیب کا سراج درانی کی گرفتاری کیلئے گھر پر چھاپا