ہنگو: پولیس مسجد خودکش دھماکے کی ابتدائی رپورٹ تیار

ہنگو میں پولیس مسجد میں خودکش دھماکے کی ابتدائی رپورٹ تیار کرلی گئی، جس کے مطابق پولیس الرٹ ہونے کی وجہ سے نقصان کم ہوا ہے اور اطلاعات ہنگو میں تھانہ دوآبہ کے قریب واقع پولیس لائن مسجد میں خودکش دھماکے کی ابتدائی رپورٹ تیار کرلی گئی ہے، پولیس نے جائے وقوعہ سے شواہد اکٹھے کرکے تحقیقات کا آغاز کردیا۔

جبکہ رپورٹ کے مطابق پولیس اہلکار الرٹ ہونے کی وجہ سے نقصان کم ہوا ہے ، 2 خودکش حملہ آوروں نے مسجد میں داخل ہونے کی کوشش کی، پولیس کی جوابی کارروائی سے خودکش حملہ آور باہر ہلاک ہوا اور ابتدائی رپورٹ میں بتایا گیا ہے کہ پولیس اور حملہ آوروں کے درمیان فائرنگ کے تبادلے کی وجہ سے نمازی بروقت مسجد سے باہر نکلے، نمازی وقت پر مسجد سے نکلنے کی وجہ سے نقصان کم ہوا۔
مزید یہ بھی پڑھیں؛
ورلڈکپ کے لئے کمینٹیٹرز کے پینل کا اعلان
سانحہ جڑانوالہ پر جے آئی ٹی نہیں بنائی جائے گی,محسن نقوی
آئی ایم ایف کا انرجی سیکٹر میں اصلاحات میں بہتری کا مطالبہ

علاوہ ازیں رپورٹ کے مطابق فائرنگ کے دوران دوسرا خودکش حملہ آور مسجد میں داخل ہوا، حملہ آور کہاں سے آئے؟، پولیس نے تحقیقات شروع کردیں تاہم یاد رہے کہ ہنگو کی تحصیل دوآبہ میں تھانے کی مسجد میں نمازِ جمعہ کے خطبے کے دوران دھماکے میں 5 افراد جاں بحق اور 12 زخمی ہو گئے تھے۔

کور کمانڈر پشاور جنرل حسن اظہر حیات نے ہنگو میں خودکش حملہ کا نشانہ بننے والی مسجد کا معائنہ کیا اور سی ایم ایچ ہنگو میں زخمیوں کی عیادت کی، خیبر پختونخوا پولیس کے آئی جی اختر حیات نے بھی ہنگو جا کر متاثرہ مسجد کا معائنہ کیا اور اپنی فورس کے جوانوں سے ملاقات کر کے ان کا حوصلہ بڑھایا جبکہ ہنگو میں مسجد میں دھماکہ کے حوالہ سے معلوم ہوا ہے کہ خودکش حملہ آور دو تھے جو جمعہ کی نماز کے دوران مسجد میں گھس کر دھماکے کرنا چاہتے تھے، پولیس اہلکاروں نے مسجد کے گیٹ پر خودکش حملہ آور روکا تو اس نے خود کو وہیں پر اڑا لیا۔ایک خودکش بمبار کے خود کو اڑانے سے اس کی زد میں آ کر دوسرا بھی مارا گیا۔
جبکہ کور کمانڈر لیفٹیننٹ جنرل حسن اظہر حیات نے ہنگو جا کر خودکش حملہ کا نشانہ بننے والی مسجد کا معائنہ کیا۔ جنرل حسن اظہر حیات نے آپریشن میں حصہ لینے والے اہلکاروں سے ملاقات کی، انہوں نے ایک بڑے حادثے سے بچانے پر قانون نافذ کرنے والے اداروں کے اہل کاروں کو سراہا ، کور کمانڈر لیفٹیننٹ جنرل حسن اظہر حیات نے سی ایم ایچ ٹل کا بھی دورہ کیا۔ کور کمانڈر نے دھماکے کے زخمیوں سے ملاقات کی اور ان کی خیریت دریافت کی۔ کور کمانڈر نے کہا کہ دہشتگردوں کو اپنے مذموم مقاصد میں کامیاب نہیں ہونے دیا جائے گا۔ انہوں نے زخمیوں کے علاج کو یقینی بنانے کے احکامات جاری کئے، خیبر پختونخوا کے آئی جی پولیس اختر حیات گنڈاپور اور چیف سیکرٹری اسلم چوہدری نے ہنگو جا کر خودکش حملہ سے متاثر ہونے والی مسجد کا جائزہ لیا، انہوں نے دو آبہ پولیس سٹیشن کا بھی دورہ کیا۔

آئی جی پختونخوا نے خود کش حملے سے شہید ہونے والی مسجد کا جائزہ لیا اور وہاں ڈیوٹی کرنے والے پولیس کے جوانوں سے بات چیت کی، آئی جی اختر حیات گنڈا پور نے پولیس کے جوانوں کو خراج تحسین پیش کرتے ہوئے کہا کہ خیبر پختو خواہ پولیس بہاادر جوانوں کی پولیس ہے، جوہر محاذ پر دہشت گردوں کا مقابلہ کر رہی ہے۔
آئی جی اختر حیات نے تصدیق کی کہ دو خودکش حملہ آورتھے جو جمعے کی نماز کے دوران مسجد میں گھسنا چاہتے تھے، دوآبہ پولیس کے جوانوں نے بہادری کا مظاہرہ کرتے ہوئے مین گیٹ پر خود کش بمبار کو روکا جس کی وجہ سے جانی نقصان کم ہوا، انہوں نے بتایا کہ خیبر پختونخواہ پولیس کے مسائل کو حل کرنے کیلئے پالیسی بنا رہے ہیں، آئی جی پختونخوا پولیس کا کہنا تھا کہ دہشت گردی کے واقعات کی روک تھام کیلئے پولیس تمام وسائل کو بروے کار لا رہی ہے۔ دوآبہ پولیس کو جواں مردی سے دہشت گردوں کو روکنے پر خراج تحسین پیش کرتا ہوں۔