حارث رؤف کو پسلی کی تکلیف

پاکستان کرکٹ ٹیم کے فاسٹ بولر حارث روف پسلی میں کھینچاؤ کی تکلیف محسوس کرنے لگے ہیں۔ ذرائع کے مطابق کولکتہ کے مقامی ہوٹل میں پسلی میں کھینچاؤ کی تکلیف کے شکار حارث روف کا ٹیسٹ کیا گیا. ٹیم ذرائع کے مطابق قومی ٹیم کے فاسٹ بولر کا ایم آر آئی کروایا گیا ہے، وہ نیوزی لینڈ کے خلاف میچ کے دوران گراؤنڈ سے باہر گئے تھے۔ٹیم ذرائع کے مطابق حارث رؤف کا معمول کے مطابق ٹیسٹ ہوا ہے۔ذرائع کا کہنا ہےکہ رپورٹ زیادہ خطرناک نوعیت کی نہیں آئی ہے اور یہ معمول کا ٹیسٹ تھا۔ ذرائع کے مطابق انگلینڈ کے خلاف میچ میں ابھی وقت ہے اور امید ہے وہ جکد مکمل صحت یاب ہوجائیں گے۔