کراچی: اسٹیٹ بینک آف پاکستان نے 9 نومبر کو یوم اقبالؒ کے موقع پر عام تعطیل کا اعلان کردیا ہے۔
باغی ٹی وی : اسٹیٹ بینک آف پاکستان کے اعلان کے مطابق تمام بینک 9 نومبر 2023 بروز جمعرات کو ”یوم اقبالؒ “ کے موقع پر عام تعطیل کے سبب بند رہیں گے،یوم اقبالؒ کے موقع پر عام تعطیل کی وجہ سے سٹیٹ بینک کے تمام مراکز بھی بند رہیں گے۔
دوسری جانب معروف بینکر نور احمد نےشعبہ بیرونی ابلاغ میں اسٹیٹ بینک آف پاکستان کےترجمان اعلیٰ کا عہدہ سنبھال لیا ہے، سٹیٹ بینک کی جانب سے جاری کردہ بیان کے مطابق نور احمد تجربہ کار مرکزی بینکار ہیں جو معاشی پالیسی اور مالی شعبے کی ترقی کے میدانوں میں وسیع تجربہ رکھتے ہیں وہ اپنے عہدے کا باضابطہ چارج 8 نومبر 2023 کو لیں گے، وہ سٹیٹ بینک کی پالیسیوں اور اقداما ت کے موثر ابلاغ کے لیے میڈیا کے ساتھ مصروف کار رہنے کے لیے پرامید ہیں۔
سعودی عرب کاتیل کی پیداوار میں 10 لاکھ بیرل یومیہ کمی جاری رکھنے کا …
واضح رہے کہ وفاقی حکومت نے بھی یوم اقبالؒ کی مناسبت سے 9 نومبر کو ملک بھر میں عام تعطیل کا اعلان کیا ہے کابینہ ڈویژن نے شاعر مشرق علامہ محمد اقبالؒ کے یوم ولادت کی مناسبت سے عام تعطیل کی منظوری دیدی ہے ، اس حوالے سے گزیٹڈ چھٹی کا نوٹی فکیشن بھی جاری کر دیا گیا ہے،شاعر مشرق ڈاکٹر علامہ محمد اقبال ؒکا یوم پیدائش 9 نومبر کو ملی جوش وجذبہ کیساتھ منایا جائے گا۔
امریکہ نے جوہری میزائل آبدوز تعینات کر دی
Leave a reply
